മിമിക്രി വേദികളിലൂടെ തുടങ്ങി പിന്നീട് സഹവേഷങ്ങളിലൂടെ പ്രേക്ഷകരുടെ മുന്നിലെത്തി മലയാള സിനിമയില് ഏറെ ആരാധകരുള്ള നായകനടനായി മാറിയ താരമാണ് ജയസൂര്യ. സ്വപ്രയത്നത്തിലൂടെയും വളരെയധികം കഷ്ടപ്പാടുകളിലൂടെയുമാണ് ജയസൂര്യ ഇന്നത്തെ താരപദവിയിലേക്ക് ഉയര്ന്നത്. കഥാപാത്രങ്ങള്ക്കായി ഏതറ്റം വരെയും പോകാന് തയ്യാറുള്ള താരം കൂടിയാണ് ജയസൂര്യ. മികച്ച രീതിയില് കഥാപാത്രത്തെ പ്രേക്ഷകര്ക്ക് മുന്നിലെത്തിക്കാന് എത്രത്തോളം കഷ്ടപ്പാടു സഹിച്ചും താരം പ്രയത്നിക്കാറുണ്ട്. ഒരുപാട് സിനിമകളൊന്നും അടുത്ത കാലത്തായി താരം ചെയ്യുന്നില്ലെങ്കിലും പ്രേക്ഷകര്ക്ക് മുന്നിലെത്തുന്ന ജയസൂര്യ ചിത്രങ്ങള് ഓര്മ്മയില് സൂക്ഷിച്ചു വയ്ക്കുന്നതാണ്.
മാസങ്ങളോളമായി താരം ഒരു സിനിമയുടെ പുറകെയാണ്. ജയസൂര്യയുടെ കരിയറിലെ നാഴികല്ലന്ന വിശേഷിപ്പിക്കാവുന്ന കത്തനാറിന് വേണ്ടിയാണ് കരിയറിലെ നല്ല സമയം വിനിയോഗിക്കുന്നത്. ഈ സിനിമയ്ക്കായി മുടിയും താടിയും മാസങ്ങളോളമായി നീട്ടി വളര്ത്തിയിരിക്കുകയാണ് താരം. ഇപ്പോഴിതാ ഈ സിനിമയിലെ അപ്പിയറന്സില് കാട്ടിനു നടുവിലുള്ള ഒരു ഫോട്ടോഷൂട്ട് നടത്തിയിരിക്കുകയാണ് താരം. പാറകള്ക്കും കൊഴിഞ്ഞു വീണ ഇലകള്ക്കും മുകളില് കിടക്കുന്നതായാണ് താരത്തിന്റെ ചിത്രങ്ങള്. ബ്ലാക്ക് ആന്ഡ് വൈറ്റ് വൈഡ് ചെക്ക് ഷര്ട്ടും കറുത്ത കൈലിയും ധരിച്ച് കൂളിംഗ് ഗ്ലാസും ധരിച്ചാണ് താരത്തിന്റെ ഫോട്ടോഷൂട്ട്.
