സിറ്റിംഗ് എംപി സണ്ണിഡിയോളിനെ മാറ്റിയ ഗുരുദാസ്പൂരിലെ സീറ്റില് ഇന്ത്യയുടെ മുന് ക്രിക്കറ്റ്താരം യുവ്രാജ് സിംഗിനെ ബിജെപി നിയോഗിച്ചേക്കുമെന്ന അഭ്യൂഹം പരക്കാന് തുടങ്ങിയിട്ട് കുറേ ദിവസമായി. ക്രിക്കറ്റ് താരവും കുടുംബവും കേന്ദ്രമന്ത്രി നിതിന് ഗഡ്കരിയുമായി കൂടിക്കാഴ്ച നടത്തുക കൂടി ചെയ്തപ്പോള് ഈ അഭ്യൂഹത്തിന് ശക്തിയേറുകയും ചെയ്തു. എന്നാല് ഈ റിപ്പോര്ട്ടുകള് യുവി തള്ളി.
2024ലെ ലോക്സഭാ തെരഞ്ഞെടുപ്പില് ഗുരുദാസ്പൂരില് നിന്ന് മത്സരിച്ച് രാഷ്ട്രീയ രംഗത്തേക്ക് പ്രവേശിക്കുമെന്ന മാധ്യമ റിപ്പോര്ട്ടുകള് യുവരാജ് പൂര്ണ്ണമായും തള്ളി. 42 കാരനായ മുന് ഓള്റൗണ്ടര് ആളുകളെ സഹായിക്കുന്നതിലാണ് തന്റെ അഭിനിവേശമെന്നും 'യുവീകാന്' എന്ന തന്റെ ഫൗണ്ടേഷനിലൂടെ തന്റെ ജീവകാരുണ്യ പ്രവര്ത്തനങ്ങളോടുള്ള തന്റെ പ്രതിബദ്ധത വീണ്ടും ഉറപ്പിച്ചുവെന്നും പറഞ്ഞു.
'മാധ്യമ റിപ്പോര്ട്ടുകള്ക്ക് വിരുദ്ധമായി, ഞാന് ഗുരുദാസ്പൂരില് നിന്ന് തിരഞ്ഞെടുപ്പില് മത്സരിക്കുന്നില്ല,'' യുവരാജ് സിംഗ് എക്സിലെ ഒരു പോസ്റ്റില് പറഞ്ഞു. ''എന്റെ അഭിനിവേശം വിവിധ ശേഷിയിലുള്ള ആളുകളെ പിന്തുണയ്ക്കുന്നതിലും സഹായിക്കുന്നതിലുമാണ്, എന്റെ ഫൗണ്ടേഷനിലൂടെ ഞാന് അത് തുടരും. കഴിവിന്റെ പരമാവധി നമുക്ക് ഒരുമിച്ച് ഒരു മാറ്റമുണ്ടാക്കുന്നത് തുടരാം'' അദ്ദേഹം കൂട്ടിച്ചേര്ത്തു.
യുവരാജ് സിംഗ് ഗുരുദാസ്പൂരില് മത്സരിക്കുമെന്ന അഭ്യൂഹങ്ങള് ശക്തമാകുന്നത് മുന് ഇന്ത്യന് ക്രിക്കറ്റ് താരം അമ്മ ശബ്നം സിംഗിനൊപ്പം അടുത്തിടെ കേന്ദ്രമന്ത്രി നിതിന് ഗഡ്കരിയെ കണ്ടതോടെയാണ്. ഗുരുദാസ്പൂരില് നിന്നുള്ള സെലിബ്രിറ്റി സ്ഥാനാര്ത്ഥികളെ പാരച്യൂട്ട് ചെയ്ത ബിജെപിയുടെ ചരിത്രവും യുവരാജ് സിങ്ങിന്റെ സ്ഥാനാര്ത്ഥിത്വത്തെക്കുറിച്ചുള്ള അഭ്യൂഹങ്ങള്ക്ക് കരുത്തു കൂട്ടുകയും ചെയ്തു.
2019ലെ ലോക്സഭാ തിരഞ്ഞെടുപ്പില് ഭാരതീയ ജനതാ പാര്ട്ടി ടിക്കറ്റില് മത്സരിച്ച സണ്ണി ഡിയോള്, ഇന്ത്യന് നാഷണല് കോണ്ഗ്രസിന്റെ സിറ്റിംഗ് എംപി സുനില് ജാഖറിനെയാണ് പരാജയപ്പെടുത്തിയത്. കുറച്ച് ദിവസങ്ങള്ക്ക് മുമ്പാണ് പഞ്ചാബ് മുഖ്യമന്ത്രി ഭഗവന്ത് മാന്, സണ്ണി ഡിയോളിനെതിരെ ആഞ്ഞടിച്ചത്. രാഷ്ട്രീയം എന്നാല് രാപകല് മുഴുവനും ജനങ്ങളെ സേവിക്കുകയും ലഭ്യമായിരിക്കുകയും ചെയ്യുക എന്നതാണെന്ന് അദ്ദേഹം ഓര്മ്മിപ്പിച്ചു. ഗുരുദാസ്പൂരില് നിന്ന് തിരഞ്ഞെടുക്കപ്പെട്ടിട്ടും ബിജെപി എംപിക്ക് പത്താന്കോട്ടിന്റെ അടിസ്ഥാന ഭൂപ്രകൃതിയെക്കുറിച്ച് പോലും അറിയില്ലെന്നാണ് ആക്ഷേപിച്ചത്.
അര്പ്പണബോധത്തോടെയും തീക്ഷ്ണതയോടെയും സംസ്ഥാനത്തെ സേവിക്കുന്ന അര്പ്പണബോധമുള്ള ഒരുപാട് നേതാക്കള് സംസ്ഥാനത്തുണ്ടെന്ന് മാന് പറഞ്ഞു. 'പുറത്തുനിന്ന് ആളുകള് തിരഞ്ഞെടുക്കുന്ന പാരച്യൂട്ട് നേതാക്കളെ' തിരഞ്ഞെടുക്കുന്നതിനുപകരം ആളുകള് ഈ നേതാക്കള്ക്ക് വോട്ട് ചെയ്യണമെന്ന് അദ്ദേഹം പറഞ്ഞു.
