തിരുവനന്തപുരം : പേട്ടയില് രണ്ട് വയസുകാരിയെ തട്ടിക്കൊണ്ടുപോയ കേസില് പിടിയിലായ പ്രതി മുന്പ് പോക്സോ കേസില് പ്രതിയായ ആള്. 2022 ലാണ് ഇയാളെ അയൂരില് പോലീസ് പോക്സോ കേസില് അറസ്റ്റ് രേഖപ്പെടുത്തി റിമാന്ഡ് ചെയ്തത്. ആര് പി എഫിന്റെ് പിടിച്ചുപറിക്കേസിലും ഇയാള് പ്രതിയാണ്.
പോക്സോ കേസില് ജയിലിൽ നിന്നിറങ്ങി രണ്ടാം ദിവസമാണ് ഇയാൾ പേട്ടയിൽ നിന്നും കുഞ്ഞിനെ തട്ടിക്കൊണ്ടു പോയത്. കുട്ടിയെ തട്ടിക്കൊണ്ടുപോയത് ഉപദ്രവിക്കുകയെന്ന ലക്ഷ്യത്തോടെയാണെന്നും കരഞ്ഞപ്പോൾ വായ പൊത്തിപ്പിടിക്കുകയും പിന്നീട് കുഞ്ഞിന്റെ ബോധം മറഞ്ഞതോടെ കുഞ്ഞിനെ ഓടയിൽ ഉപേക്ഷിക്കുകയായിരുന്നുവെന്നും പോലീസ് വ്യക്തമാക്കുന്നു.
തിരുവനന്തപുരം ഡിസിപി നിധിൻ രാജിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കൊല്ലത്ത് നിന്നാണ് പ്രതിയെ പിടികൂടിയത്. ബീഹാര് സ്വദേശികളുടെ കുഞ്ഞിനെയാണ് കാണാതായത്. രണ്ടാഴ്ച മുമ്പായിരുന്നു സംഭവം. 20 മണിക്കൂർ നീണ്ട തെരച്ചിലിനൊടുവിലാണ് കൊച്ചുവേളി റെയിൽവേ സ്റ്റേഷന് സമീപത്തു നിന്നുള്ള ഓടയിൽ നിന്ന്കട്ടിയെ കണ്ടെത്തുന്നത്.
