പൂനെ;അതിഥി തൊഴിലാളികളുടെ മൂന്ന് വയസ് പ്രായമുള്ള മകനെ കാണാതായി. റെയില്വേ സ്റ്റേഷനിലെ റിസേര്വേഷന് കൗണ്ടറിന് മുന്നില് കിടന്നുറങ്ങിയകുഞ്ഞിനെയാണ് കാണാതായത്. എന്നാല് നീണ്ട മൂന്ന് മണിക്കൂറുകള്ക്കുള്ളില് മുംബൈ നഗരത്തില് നിന്ന് കുട്ടിയെ കണ്ടെത്തി. ഈ സംഭവം അരങ്ങേറിയത് പൂനെ റെയില്വേ സ്റ്റേഷനിലാണ്. ഈ കുടുംബം താമസിച്ചിരുന്നത് സോലാപൂരിലെ കുര്ദുവാര്ഡി റെയില്വേ സ്റ്റേഷന് സമീപത്തായിയാണ്.
കുട്ടിയുടെ രക്ഷിതാക്കളും മറ്റൊരു കുടുംബവും കൂടി ഏതാനും ദിവസങ്ങള്ക്ക് മുന്പാണ് മഹാരാഷ്ട്രയിലെ ഖൊപ്പോളിയിലെത്തിയത്. തിരികെ കുര്ദുവാര്ഡിയിലേക്ക് മടങ്ങി പോവുന്നതിനിടയില് സംഘത്തിലെ ഒരാള്ക്ക് സുഖമില്ലാതെ വന്നതോടെ പൂനെയിലിറങ്ങിയ സംഘം ഇവിടുത്തെ സര്ക്കാര് ആശുപത്രിയില് ചികിത്സ തേടിയിരുന്നു. ചികിത്സ കഴിഞ്ഞ് തിരികെ പോവാനായി ട്രെയിന് കാത്ത് കിടന്ന സംഘത്തിന്റെ ഇടയില് നിന്നാണ് 20 വയസിനോട് അടുത്ത് പ്രായം വരുന്ന യുവാവ് ആണ്കുട്ടിയെ തട്ടിക്കൊണ്ട് പോയത്. കുട്ടിയെ കാണാതെ വന്നതോടെ രക്ഷിതാക്കള് പൊലീസിനെ സമീപിക്കുകയായിരുന്നു.
സ്റ്റേഷനിലെ സിസിടിവി ദൃശ്യങ്ങള് പരിശോധിച്ചതില് നിന്നാണ് കുട്ടിയെ കൊണ്ടുപോയത് 20 വയസിന് അടുത്ത് പ്രായം വരുന്ന ആളാണെന്ന് കണ്ടെത്തിയത്. ഇയാള് മൂന്നാമത്തെ പ്ലാറ്റ്ഫോമില് നിന്ന് ട്രെയിന് കയറിയതായും മനസിലായതോടെ പൊലീസ് മറ്റ് സ്റ്റേഷനുകളിലേക്കും നാട്ടുകാര്ക്കും വിവരം നല്കുകയായിരുന്നു. വിവിധ സ്റ്റേഷനുകളിലെ സിസിടിവി ദൃശ്യങ്ങളില് നിന്ന് യുവാവ് മുംബൈയിലേക്കാണ് പോവുന്നതെന്ന് വ്യക്തമായി. പിന്നാലെ പൊലീസ് വ്യാപകമായി നടത്തിയ അന്വേഷണത്തിലാണ് കുട്ടിയെ മുംബൈ സെന്ട്രല് സ്റ്റേഷനില് ഉപേക്ഷിച്ച നിലയില് കണ്ടെത്തിയത്.
