ദിനംപ്രതി വ്യത്യസ്തത ഉണര്ത്തുന്ന ഒട്ടനവധി വാര്ത്തകളും വീഡിയോകളുമാണ് സമൂഹ മാധ്യമങ്ങളിലൂടെ പുറത്തുവന്നുകൊണ്ടിരിക്കുന്നത്. ഇപ്പോഴിതാ ഐഎംഎ വഡോരയിലെ വിദ്യാര്ത്ഥികളുടെ ഏറ്റവും പുതിയ കണ്ടുപിടുത്തതാണ് നെറ്റീസണ്സിന്റെ ശ്രദ്ധ ആകര്ഷിച്ചിരിക്കുന്നത്. അസഹനീയമായ ഈ ചൂടില് വെയിലേറ്റ് ട്രാഫിക് നിയന്ത്രിക്കുന്ന വഡോരയിലെ ട്രാഫിക് പോലീസുകാര്ക്കായി ' എസി ഹെല്മറ്റുകള്' തയ്യാറാക്കിയാണ് ഈ വിദ്യാര്ത്ഥികള് ലോകശ്രദ്ധ പിടിച്ചുപറ്റിയത്.
കൊടുംവെയിലില് നടുറോഡില് ഡ്യൂട്ടിയിലായിരിക്കുമ്പോള് ട്രാഫിക് പോലീസുകാര്ക്ക് അല്പ്പമൊരു ആശ്വാസമാകാന് ബാറ്ററികളാല് പ്രവര്ത്തിക്കുന്ന എസി ഹെല്മറ്റുകള്ക്ക് കഴിയും. ഇതിലും വലിയൊരു സമ്മാനം ട്രാഫിക് പോലീസുകാര്ക്ക് നല്കാനില്ല. പ്രത്യേകിച്ചും ദിനംപ്രതി ചൂട് കൂടുന്ന ഇക്കാലത്ത്. പോലീസ് ഉദ്യോഗസ്ഥരുടെ സമര്പ്പണത്തിനുള്ള ആദരവാണ് ഈ എസി ഹെല്മറ്റുകളെന്നാണ് വിദ്യാര്ത്ഥികള് പറയുന്നത്്.
മാത്രമല്ല ഇതിനോടകം 450 ഓളം ഉദ്യോഗസ്ഥര്ക്ക് ഈ ഹെല്മറ്റ് നല്കിയിട്ടുണ്ടെന്ന് വഡോദര പോലീസ് വകുപ്പ് അറിയിച്ചു. പകല് സമയത്ത് റോഡുകളില് ട്രാഫിക് ഡ്യൂട്ടിയിലുള്ള ഉദ്യോഗസ്ഥര്ക്കാണ് ഹെല്മറ്റ് നല്കിയിട്ടുള്ളത്. ബാറ്ററിയില് പ്രവര്ത്തിക്കുന്ന ഹെല്മറ്റ് ശരീര താപനില നിലനിര്ത്താന് സഹായിക്കുമെന്ന് വിദ്യാര്ത്ഥികള് അവകാശപ്പെട്ടു.
#WATCH | Gujarat: Vadodara Traffic Police provided AC helmets to its personnel to beat scorching heat waves in summer. pic.twitter.com/L3SgyV2uEm
— ANI (@ANI) April 17, 2024
