തിരുവനന്തപുരം: ആലപ്പുഴയില് രണ്ട് സ്ഥലങ്ങളിലെ താറാവുകളില് (ഏവിയന് ഇന്ഫ്ളുവന്സ-എച്ച്5 എന്1) കണ്ടെത്തിയ സാഹചര്യത്തില് ആരോഗ്യ വകുപ്പ് പ്രതിരോധ പ്രവര്ത്തനങ്ങള് ശക്തമാക്കിയതായി ആരോഗ്യ വകുപ്പ് മന്ത്രി വീണാ ജോര്ജ്. ആരോഗ്യവകുപ്പിന്റെ നേതൃത്വത്തില് അടിയന്തര യോഗം ചേര്ന്ന് സ്ഥിതിഗതികള് വിലയിരുത്തി. ഇതിന് പുറമെ ജില്ലാ കളക്ടറും യോഗം ചേര്ന്ന് നടപടികള് സ്വീകരിച്ചുവരുകയാണെന്ന് മന്ത്രി അറിയിച്ചു.
പക്ഷിപ്പനി മനുഷ്യരെ ബാധിക്കാതിരിക്കാന് മുന് കരുതലുകള് സ്വീകരിക്കണം. 2023ലെ കേരള പൊതുജനാരോഗ്യ നിയമമനുസരിച്ച് വിവിധ വകുപ്പുകളെ ഏകോപിപ്പിച്ച് നടപടി സ്വീകരിക്കാന് നിര്ദേശം നല്കി. ആരോഗ്യ വകുപ്പ് നല്കുന്ന മാര്ഗനിര്ദേശങ്ങള് എല്ലാവരും കര്ശനമായി പാലിക്കണം. രോഗബാധിത പ്രദേശങ്ങളിലുള്ളവരിലെ പനിയും മറ്റ് രോഗലക്ഷണങ്ങളും രണ്ടാഴ്ചക്കാലം പ്രത്യേക നിരീക്ഷണത്തിന് വിധേയമാക്കുമെന്നും മന്ത്രി വ്യക്തമാക്കി.
