പട്ന: തെരഞ്ഞെടുപ്പ് ഒന്നാംഘട്ട വോട്ടെടുപ്പില് തന്നെ ബിജെപിയുടെ 400 പാര് ചിത്രം എട്ടുനിലയില് പൊട്ടിയെന്ന് ബീഹാറിലെ നേതാവും രാഷ്ട്രീയ ജനതാദള് (ആര്ജെഡി) നേതാവ് തേജസ്വി യാദവ്. ബിഹാറിലെ ജനങ്ങള് ബോധവാന്മാരാണ്, അവരെ ഒരു പാഠം പഠിപ്പിക്കും,' അദ്ദേഹം പറഞ്ഞു. 'മഹാഗത്ബന്ധന് ആദ്യ ഘട്ടത്തില് നാല് സീറ്റുകളിലും വിജയിക്കുമെന്നും പറഞ്ഞു.
ഞങ്ങള് ബ്ലോക്ക് തിരിച്ചുള്ള മീറ്റിംഗുകള് നടത്തി, പ്രതികരണങ്ങള് വളരെ മികച്ചതാണ്. ബിഹാര് ഇത്തവണ ഞെട്ടിക്കുന്ന ഫലം നല്കുമെന്നതിനാല് ആദ്യഘട്ടത്തില് മത്സരമില്ലെന്ന് യാദവ് എഎന്ഐയോട് പറഞ്ഞു. ബീഹാറിലെ ജനങ്ങള്ക്ക് വേണ്ടി അവര് ഒന്നും ചെയ്തില്ല. 2014ലും 2019ലും മോദിജി നല്കിയ വാഗ്ദാനങ്ങള് പാലിക്കപ്പെട്ടില്ലെന്നും പറഞ്ഞു.
അവരുടെ പ്രസ്താവനകളിലും വ്യാജ വാഗ്ദാനങ്ങളിലും പൊതുജനങ്ങള് മടുത്തു. ബീഹാറിന് പ്രത്യേക പദവിക്കൊപ്പം പ്രത്യേക പാക്കേജ് നല്കുമെന്ന് ഞങ്ങള് വാഗ്ദാനം ചെയ്തിട്ടുണ്ട്, ''അദ്ദേഹം കൂട്ടിച്ചേര്ത്തു. പ്രാദേശിക പ്രശ്നങ്ങളാണ് ഈ തെരഞ്ഞെടുപ്പില് നിര്ണായകമാകുന്നതെന്നും മുന് ഉപമുഖ്യമന്ത്രി പറഞ്ഞു.
