തിരുവനന്തപുരം; ലോക്സഭാ വോട്ടെടുപ്പില് കേരളത്തില് ഭേദപ്പെട്ട പോളിംഗ്.രാവിലെ ആരംഭിച്ച വോട്ടെടുപ്പിന്റെ സമയപരിധി അവസാനിക്കുമ്പോള് സംസ്ഥാനത്തില് 70 ശതമാനത്തോളം പേരാണ് വോട്ട് രേഖപ്പെടുത്തിയത്.
ഏറ്റവുമൊടുവിലെ ഔദ്യോഗിക കണക്ക് അനുസരിച്ച് 6.45 ന് സംസ്ഥാനത്ത് പോളിംഗ് 69.04 ശതമാനമാണ്. ആറ് മണിവരെ ബൂത്തിലെത്തിയവര്ക്ക് ടോക്കണ് നല്കിയിട്ടുണ്ട്. ഇവര്ക്ക് ക്യൂ അനുസരിച്ച് വോട്ട് ചെയ്യാനാകും.
കേരളത്തിലെ എല്ലാ മണ്ഡലങ്ങളിലും പോളിങ് അറുപത് ശതമാനം കടന്നു.പലയിടത്തും നീണ്ട നിരയുണ്ട്. ഇക്കുറി നഗര മേഖലയില് മികച്ച പോളിംഗാണ് രാവിലെ മുതല് രേഖപ്പെടുത്തിയിരുന്നത്.മുഖ്യമന്ത്രിയും പ്രമുഖ നേതാക്കന്മാരും താരങ്ങളുമടക്കം വോട്ട് രേഖപ്പെടുത്തിയട്ടുണ്ട്.
2 കോടി 77 ലക്ഷത്തി 49,159 വോട്ടര്മാരാണ് ആകെയുള്ളത്. കൂടുതല് വോട്ടര്മാര് മലപ്പുറം മണ്ഡലത്തിലാണ്. ഇടുക്കിയിലാണ് കുറവ്. സംസ്ഥാനത്താകെ 1800 പ്രശ്ന സാധ്യത ബൂത്തുകളാണ് ഉണ്ടായിരുന്നത്. ചിലയിടങ്ങളില് ചെറിയ തോതിലുള്ള സംഘര്ഷങ്ങളും കയ്യാങ്കളിയും ഉണ്ടായെങ്കിലും പൊതുവേ സമാധാനപരമായിരുന്നു സംസ്ഥാനത്തെ വോട്ടെടുപ്പ്.
1. തിരുവനന്തപുരം-65.68
2. ആറ്റിങ്ങല്-68.84
3. കൊല്ലം-66.87
4. പത്തനംതിട്ട-63.05
5. മാവേലിക്കര-65.29
6. ആലപ്പുഴ-72.84
7. കോട്ടയം-65.29
8. ഇടുക്കി-65.88
9. എറണാകുളം-67.00
10. ചാലക്കുടി-70.68
11. തൃശൂര്-70.59
12. പാലക്കാട്-71.25
13. ആലത്തൂര്-70.88
14. പൊന്നാനി-65.62
15. മലപ്പുറം-69.61
16. കോഴിക്കോട്-71.25
17. വയനാട്-71.69
18. വടകര-71.27
19. കണ്ണൂര്-73.80
20. കാസര്ഗോഡ്-72.52
