തിരുവനന്തപുരം: തദ്ദേശ വാര്ഡ് പുനര്വിഭജനം സംബന്ധിച്ച സര്ക്കാരിന്റെ ഓര്ഡിനന്സിന് ഗവര്ണറുടെ തട. ഓര്ഡിനന്സ് ആരിഫ് മുഹമ്മദ് ഖാന് മടക്കി. തെരഞ്ഞെടുപ്പ് പെരുമാറ്റ ചട്ടം നിലനില്ക്കുന്നതിനാല് കമ്മീഷന്റെ അനുമതി വേണമെന്നു ചൂണ്ടിക്കാട്ടിയാണ് നടപടി.
നേരത്തേ പ്രത്യേക മന്ത്രിസഭായോഗം ചേര്ന്നാണ് തദ്ദേശ വാര്ഡ് പുനര്വിഭജനം സംബന്ധിച്ച് തീരുമാനമെടുത്തത്. ഓര്ഡിനന്സില് അനുമതി ലഭിക്കാത്തതിനാല് നിയമസഭാ സമ്മേളനവും സര്ക്കാരിന് വിളിക്കാനാകില്ല. നേരത്തേ തീരുമാനത്തിനെതിരേ പ്രതിപക്ഷം രംഗത്ത് വന്നിരുന്നു. സര്ക്കാരിന്റേത് ഏകപക്ഷിയമായ തീരുമാനമാണ് എന്നായിരുന്നു പ്രതിപക്ഷത്തിന്റെ ആരോപണം.
കഴിഞ്ഞ ദിവസം എടുത്ത തീരുമാനപ്രകാരം എല്ലാ തദ്ദേശ സ്ഥാപനങ്ങളിലും ഓരോ വാര്ഡ് കൂടുമായിരുന്നു. ജനസംഖ്യ വര്ധിച്ചെന്ന് വിലയിരുത്തിയാണ് വാര്ഡുകള് പുനര്നിര്ണയിക്കാന് തീരുമാനിച്ചത്. നിലവില് 13 വാര്ഡുകള് ഉള്ളവ ചെറിയ പഞ്ചായത്തുകളും 23 വാര്ഡുകളുള്ളത് വലിയ പഞ്ചായത്തുമാണ്. ഇത് 14 വാര്ഡുകളും 24 വാര്ഡുകളുമായി മാറുമായിരുന്നു.
എല്ലാ തദ്ദേശസ്ഥാപനങ്ങളിലും ഓരോ വാര്ഡ് വീതം കൂടുന്നതോടെ പുതിയതായി 1200 അംഗങ്ങള് കൂടി വര്ദ്ധിക്കുന്നതോടെ ഓണറേറിയത്തിന് മാത്രം അഞ്ചു വര്ഷം 67 കോടി രൂപ അധികം കണ്ടെത്തേണ്ടി വരും. 2001ലെ സെന്സസിന്റെ അടിസ്ഥാനത്തില് 2010ലാണ് അവസാനമായി വാര്ഡുകളുടെ പുനര്നിര്ണയം നടന്നത്.
