തിരുവനന്തപുരം : ആറ്റിങ്ങല് ഇരട്ടക്കൊലപാതക കേസില് ഒന്നാം പ്രതിയുടെ വധശിക്ഷ ജീവപരന്ത്യമാക്കി കുറച്ചു. 25 വര്ഷം പരോള് ഇല്ലാതെ ഒന്നാം പ്രതി നിനോ മാത്യു ശിക്ഷ അനുഭവിക്കണമെന്ന് കോടതി ഉത്തരവില് വ്യക്തമാക്കി. രണ്ടാം പ്രതി അനുശാന്തി ശിക്ഷ ഇളവ് ചെയ്യണമെന്ന് ആവശ്യപ്പെട്ട സമര്പ്പിച്ച ഹര്ജി കോടതി തളളി. അനുശാന്തിയുടെ ഇരട്ടജീ്വപരന്ത്യം ശിക്ഷ ഹൈക്കോടതി ശരിവെച്ചു.
2016 ഏപ്രില് 16 നായിരുന്നു നാടിനെ നടുക്കിയ കൊലപാതകം. ടെക്നോപാര്ക്കിലെ ജീവനക്കാരും സുഹൃത്തുക്കളുമായിരുന്നു ഒന്നാം പ്രതി നിനോ മാത്യവും രണ്ടാം പ്രതി അനുശാന്തിതയും. തങ്ങളുടെ ഒരുമിച്ചുളള ജീവിതത്തിന് തടസം നില്ക്കുന്നുവെന്ന് ആരോപിച്ചായിരുന്നു ഭര്തൃമാതാവിന്റെ് കൊലപാതകം. നിനോ മാത്യു അനുശാന്തിയുടെ മൂന്നര വയസുകാരിയായ മകള് സ്വസ്തികയെയും ഭര്ത്താവിന്റെ് അമ്മ ഓമനയെയും വെട്ടിക്കൊലപ്പെടുത്തുകയായിരുന്നു. കൊലപാതകം, കൊലപാതക ശ്രമം, തെളിവുനശിപ്പിക്കല്, ഗൂഢാലോചന കേസുകളാണ് പ്രതികള്ക്കെതിരെ ചുമത്തിയത്.
സ്വന്തം മകളെ കൊലപ്പെടുത്താന് കൂട്ടുനിന്ന അനുശാന്തി മാതൃത്വത്തിന് അപമാനമാണ് എന്നായിരുന്നു പ്രിന്സിപ്പല് സെഷന്സ് കോടതിയുടെ പരാമര്ശം. കാമ പൂര്ത്തീകരണത്തിനാണ് പ്രതികള് പിഞ്ച് കുഞ്ഞിനെയും വൃദ്ധയേയും കൊലപ്പെടുത്തിയതെന്നും സൗദി അറേബ്യയില് ലഭിക്കുന്ന മുഴുവന് സുഗന്ധ ദ്രവ്യങ്ങള് ഉപയോഗിച്ചു കഴുകിയാലും പ്രതികളുടെ കൈയിലെ ദുര്ഗന്ധം മാറില്ലെന്നും കോടതി ചൂണ്ടിക്കാട്ടിയിരുന്നു.
