റെമാല് ചുഴലിക്കാറ്റിനെ തുടര്ന്നുണ്ടായ കനത്ത മഴയിലും ചൊവ്വാഴ്ച ഐസ്വാളിലുടനീളം ഉണ്ടായ ഒന്നിലധികം മണ്ണിടിച്ചിലിലും മിസോറമില് മരിച്ചത്് 15 പേര്. ഐസ്വാള് ജില്ലയിലെ മെല്ത്തമിനും ഹ്ലിമെനും ഇടയിലുള്ള ഒരു കല്ല് ക്വാറിയില് മണ്ണിടിഞ്ഞുവീണ സ്ഥലത്തുനിന്നും 11 മൃതദേഹങ്ങള് കണ്ടെടുത്തു. മറ്റൊരു ഉരുള്പൊട്ടല് ഉണ്ടായ സ്ഥലത്ത് നിന്ന് രണ്ട് മൃതദേഹങ്ങള് കൂടി കണ്ടെടുത്തു.
മൂന്നാമത്തെ സ്ഥലത്ത് നിന്ന് മറ്റൊരു മൃതദേഹം കൂടി കണ്ടെടുത്തു. ദുരിതാശ്വാസ പ്രവര്ത്തനങ്ങള്ക്കായി 15 കോടി രൂപ അനുവദിച്ചു. കൊടുങ്കാറ്റ് ഇപ്പോള് ശമിക്കുന്നുണ്ടെങ്കിലും സംസ്ഥാനത്തിന്റെ പല ഭാഗങ്ങളിലും സിഗ്നല് വളരെ മോശമാണ്, അതിനാലാണ് വിവരങ്ങള് ശേഖരിക്കാനും പ്രതികരിക്കാനും ബുദ്ധിമുട്ടുകയാണ്. മരിച്ചവരുടെ കുടുംബങ്ങള്ക്ക് നാല് ലക്ഷം രൂപ വീതം സംസ്ഥാന സര്ക്കാര് അനുവദിച്ചിട്ടുണ്ട്
സംസ്ഥാനത്ത് കാലാവസ്ഥ മോശമായതോടെ സ്കൂളുകള്, ബാങ്കുകള്, ധനകാര്യ സ്ഥാപനങ്ങള്, പൊതുമേഖലാ സ്ഥാപനങ്ങള്, അവശ്യ സേവനങ്ങള് ഒഴികെയുള്ള സര്ക്കാര് ഓഫീസുകള് എന്നിവ അടച്ചിടാന് സംസ്ഥാന സര്ക്കാര് ഉത്തരവിട്ടു.
സ്വകാര്യമേഖലയിലെ ഓഫീസുകളോട് കഴിയുന്നത്ര 'വര്ക്ക് ഫ്രം ഹോം' മോഡ് സ്വീകരിക്കാനും സര്ക്കാര് നിര്ദ്ദേശിച്ചു. മിസോറാമിന് പുറമെ മറ്റ് വടക്കുകിഴക്കന് സംസ്ഥാനങ്ങളായ അസം, മേഘാലയ എന്നിവിടങ്ങളിലും ചൊവ്വാഴ്ച കൊടുങ്കാറ്റിന് സാക്ഷ്യം വഹിക്കുന്നുണ്ട്. ചുഴലിക്കാറ്റില് റോഡിന്റെ ഒരു ഭാഗം ഒലിച്ചുപോയതോടെ അസമിലെ ഹഫ്ലോങ്ങിനും സില്ച്ചാറിനും ഇടയിലുള്ള റോഡ് ഗതാഗതം പൂര്ണമായും തടസ്സപ്പെട്ടു.
