രേവ; ഭര്തൃമാതാവിനെ അതിക്രൂരമായി വെട്ടികൊലപ്പെടുത്തിയ കേസില് യുവധിക്ക് വധശിക്ഷ വിധിച്ച് കോടതി. 2022 ജൂലൈ 12ന് മധ്യപ്രദേശിലായിരുന്നു സംഭവം. സരോജ് കോളാണ് കൊലപ്പെട്ടത്. കുടുംബവഴക്കിനൊടുവിലാമ് മരുമകളായ കാഞ്ചന് കോല് ഭര്തൃമാതാവിനെ അരിവാള് ഉപയോഗിച്ച് വെട്ടികൊലപ്പെടുത്തുകയായിരുന്നു.
സരോജും മരുമകളും വീട്ടില് വഴക്ക് പതിവായിരുന്നു. സംഭവ ദിവസവും ഇരുമരും തമ്മില് വഴക്കിട്ടു. പ്രകോപിതയായ യുവതി വീട്ടിലുണ്ടായിരുന്ന അരിവാള് ഉപയോഗിച്ച് അമ്മായിയമ്മയെ വെട്ടി വീഴ്ത്തി. 95 തവണ സരോജിന് വെട്ടേറ്റിട്ടുണ്ടെന്നാണ് പോസ്റ്റുമോര്ട്ടം റിപ്പോര്ട്ടില് പറയുന്നത്. സംഭവം നടക്കുമ്പോള് വീട്ടില് യുവതിയുടെ ഭര്ത്താവടക്കം ആരും ഉണ്ടായിരുന്നില്ല. വിവരമറിഞ്ഞെത്തിയ മകനാണ് ചോരയില് കുളിച്ച് കിടക്കുന്ന അമ്മയെ ആശുപത്രിയിലെത്തിച്ചത്. എന്നാല് ജീവന് രക്ഷിക്കാനായില്ല. സംഭവത്തിന് പിന്നാലെ പൊലീസ് യുവതിയെ അറസ്റ്റ് ചെയ്തു. ഗാര്ഹിക പീഡനം സഹിക്കാനാവാതെയാണ് താന് അമ്മായിയമ്മയെ വെട്ടിക്കൊന്നതെന്നാണ് യുവതി പൊലീസിന് നല്കിയ മൊഴി. ചോദ്യം ചെയ്യലില് തന്നെ പ്രതി കുറ്റം സമ്മതിച്ചെന്നും അഡീഷണല് പബ്ലിക് പ്രോസിക്യൂട്ടര് വികാസ് ദ്വിവേദി പറഞ്ഞു.
