തിരുവനന്തപുരം: കൊടിക്കുന്നില് സുരേഷ് എംപിയെ പ്രോംടേം സ്പീക്കര് സ്ഥാനത്ത് നിന്ന് മാറ്റി നടപടി പ്രതിഷേധാര്ഹമാണെന്ന് മുഖ്യമന്ത്രി പിണറായി വിജയന്. ഏറ്റവും കൂടുതല് കാലം അംഗമായിട്ടും മാവേലിക്കര എം പി കൊടിക്കുന്നില് സുരേഷിനെ തഴഞ്ഞത് എന്തിനാണെന്ന് കേന്ദ്ര സര്ക്കാര് വ്യക്തമാക്കണമെന്ന് പിണറായി വിജയന് പറഞ്ഞു. ലോക്സഭ പ്രോംടേം സ്പീക്കറെ നിയമിച്ച നടപടിയിലൂടെ സംഘപരിവാര് പിന്തുടരുന്ന സവര്ണ്ണ രാഷ്ട്രീയമാണ് ഈ തീരുമാനത്തിനു പിന്നിലെന്ന് സംശയിക്കുന്നവര്ക്ക് എന്താണ് ബി ജെ പിയുടെ മറുപടിയെന്നും മുഖ്യമന്ത്രി ചോദിച്ചു. സഭയില്
പാര്ലമെന്ററി ജനാധിപത്യ മര്യാദകളെയും സഭയിലെ കീഴ് വഴക്കങ്ങളെയും അംഗീകരിക്കില്ലെന്ന് ധാര്ഷ്ട്യമാണ് ബിജെപിക്ക്. 2019- ലെ ലോകസഭയില് ഡെപ്യൂട്ടി സ്പീക്കര് പദവി അഞ്ചു വര്ഷവും ഒഴിച്ചിടുകയായിരുന്നു. പ്രതിപക്ഷ കക്ഷിയില്പ്പെട്ട് ആരെയും ആ സ്ഥാനത്ത് അംഗീകരിക്കാന് കഴിയില്ല എന്ന മനോഭാവമായിരുന്നു ഇതിന്റെ പിന്നില്. കോണ്ഗ്രസ് നേതാവ് മാവേലിക്കര എംപി കൊടിക്കുന്നില് സുരേഷിനെ ഒഴിവാക്കിയായിരുന്നു രാഷ്ട്രപതി ദ്രൗപദി മുര്മുവിന്റെ തീരുമാനം. ഇത് ബിജെപി നേതൃത്വത്തിന്റെ ഈ ധിക്കാരപരമായ സമീപനവും ഇന്ത്യന് ജനാധിപത്യത്തോടുള്ള വെല്ലുവിളിയും അവഹേളനവുമായി മാത്രമേ കാണാന് കഴിയൂവെന്നും മുഖ്യമന്ത്രി പറഞ്ഞു.
പതിനെട്ടാം ലോക്സഭയുടെ പ്രഥമ സമ്മേളനത്തില് ഭര്തൃഹരി മഹ്താബ് ആണ് പ്രോ ടേം സ്പീക്കറാവുക. ബിജെഡിയിൽ നിന്ന് ബിജെപിയിലെത്തിയ ഭർതൃഹരി മഹ്താബ് ഏഴാം തവണയാണ് എംപിയാകുന്നത്. ബിഹാറിലെ കട്ടക്കിൽ നിന്നുള്ള എംപിയാണ്. ഈ മാസം 26 നാണ് ലോക്സഭയിൽ സ്പീക്കർ തെരഞ്ഞെടുപ്പ് നടക്കുക. ഇത് നിയന്ത്രിക്കേണ്ടത് പ്രോ ടൈം സ്പീക്കറാണ്. ബീഹാറിലെ കട്ടക്കിൽ നിന്നുള്ള എംപിയാണ്. എട്ട് തവണ എംപിയായ കൊടിക്കുന്നിൽ സുരേഷാണ് നിലവിൽ ലോക്സഭയിലെ മുതിർന്ന അംഗം.
