തിരുവനന്തപുരം; കഴിഞ്ഞ 24 മണിക്കൂറില് സംസ്ഥാനത്ത് ലഭിച്ചത് സീസണിലെ തന്നെ ഏറ്റവും കനത്ത മഴ. വരുന്ന 3 ദിവസം കൂടി തീവ്രമായ മഴയ്ക്ക് സാധ്യതയുള്ളതായി ദുരന്തനിവാരണ സമിതി യോത്തിന് ശേഷം റവന്യൂ മന്ത്രി അറിയിച്ചു. ഡാമുകള് തുറന്നിട്ടുള്ള സാഹചര്യത്തില് ജാഗ്രതാ മുന്നറിയിപ്പുണ്ട്.മത്സ്യതൊഴിലാളികള്ക്ക് ഇന്നും നാളെയും കടലില് പോകരുതെന്ന നിര്ദ്ദേശം നല്കിയട്ടുണ്ട്.
എല്ലായിടത്തും കനത്ത മഴയാണ് ലഭിക്കുന്നത്. കഴിഞ്ഞ 24 മണിക്കൂറില് മാത്രം ലഭിച്ചത് 69.6 മില്ലിമീറ്റര് മഴയാണ്. ഈ സീസണിലെ തന്നെ ഏറ്റവും കൂടി മഴ.കോട്ടയത്താമ് അതില് ഏറ്റവം കൂടുതല് മഴ പെയ്തത്. 103 മില്ലിമീറ്റര് .എല്ലാ ജില്ലകളിലും അലര്ട്ടുണ്ട്. കേരള തീരത്ത് ഉയര്ന്ന തിരമാല ജാഗ്രതാ മുന്നറിയിപ്പുമുണ്ട്.
മോശം കാലാവസ്ഥയും കാറ്റും കാരണം ഇന്നും നാളെയും കടലില് പോകരുതെന്ന് മത്സ്യത്തൊഴിലാളികള്ക്ക് നിര്ദ്ദേശമുണ്ട്. തീരത്തോട് ചേര്ന്ന് താമസിക്കുന്നവര് ജാഗ്രത പാലിക്കണം. അരുവിക്കര. കല്ലാര്കുട്ടി, ലോവര് പെരിയാര്, പമ്പാ, പെരിങ്ങല്കുത്ത് ഡാമുകളില് നിന്ന് മുന്കരുതലിന്രെ ഭാഗമായി വെള്ളം പുറത്തേക്കൊഴുക്കിവിടുന്നു.
