കാലടി : പെണ്കുട്ടികളുടെ ചിത്രങ്ങള് അശ്ലീല വെബ്സൈറ്റുകളിലും സാമൂഹിക മാധ്യമ ഗ്രൂപ്പുകളിലും പ്രചരിപ്പിച്ചെന്ന കേസില് എസ്.രോഹിത്തിനെ കാലടി പോലീസ് പോക്സോ വകുപ്പ് ചുമത്തി കേസെടുത്തു. പ്രതിയെ കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു. രണ്ട് ദിവസം മുമ്പ് രോഹിത്തിനെ കാലടി പോലീസ് പിടികൂടിയെങ്കിലും സ്റ്റേഷന് ജാമ്യത്തില് വിട്ടയച്ചു. ഈ സംഭവത്തില് പ്രതിഷേധം ശക്തമായതോടെ പോലീസ് വീണ്ടും രോഹിത്തിനെ അറസ്റ്റ് ചെയ്തു.
ഇതേ തുടര്ന്ന് നടത്തിയ അന്വേഷണത്തിലാണ് രോഹിത്തിനെ പോക്സോ കേസ് ചുമത്തി അറസ്റ്റ് ചെയ്തത്. കാലടി മറ്റൂര് ശ്രീശങ്കര കോളേജിലെ മുന് വിദ്യാര്ത്ഥിയും എസ്.എഫ്.ഐ. യൂണിറ്റ് സെക്രട്ടറിയുമായിരുന്നു രോഹിത്ത്. കോളേജ് പഠനകാലത്ത് കാമ്പസില്വെച്ച് പകര്ത്തിയ പെണ്കുട്ടികളുടെ ചിത്രങ്ങളാണ് ഇയാള് അശ്ലീല സൈറ്റുകളില് പ്രചരിപ്പിച്ചിരുന്നത്. പ്രതിയുടെ രണ്ട് മൊബൈല് ഫോണുകളും പോലീസ് പിടിച്ചെടുത്ത് പരിശോധന നടത്തി വരുന്നു. ബിരുദ വിദ്യാര്ഥിനിയായ ഒരു പെണ്കുട്ടിയുടെ ചിത്രം ഫെയ്സ്ബുക്കിലെ അശ്ലീല ഗ്രൂപ്പുകളിലൊന്നില് കണ്ടതിനു പിന്നാലെ നടത്തിയ അന്വേഷണത്തിലാണ് ക്യാമ്പസിലെ മുന് വിദ്യാര്ഥി നേതാവായിരുന്ന രോഹിത്ത് അറസ്റ്റിലായത്.
എസ്.എഫ്.ഐ നേതാവായിരുന്ന രോഹിത്ത്, കഴിഞ്ഞ കോളേജ് യൂണിയന് തിരഞ്ഞെടുപ്പ് കാലത്ത് പ്രചാരണത്തിന്റെ ചിത്രങ്ങള് പകര്ത്തിയിരുന്നതായാണ് പറയുന്നത്. ഈ സമയത്ത് പെണ്കുട്ടികളുടെ ചിത്രങ്ങളും പകര്ത്തി. ഇവ പിന്നീട് അശ്ലീലചുവയുള്ള കാപ്ഷനോടെ പലഗ്രൂപ്പുകളിലും പ്രചരിപ്പിച്ചിരുന്നു. വ്യാജ ഫെയ്സ്ബുക്ക് ഐ.ഡി. ഉള്പ്പെടെ ഉപയോഗിച്ചാണ് പ്രതി ചിത്രങ്ങള് അപ്ലോഡ് ചെയ്തിരുന്നത്.
