തിരുവനന്തപുരം: മെഡിക്കല് കോളേജ് ഒപി ബ്ലോക്കില് രോഗി ലിഫ്റ്റില് കുടുങ്ങിയ സംഭവത്തില് നടപടിക്ക് നിര്ദേശിച്ച് ആരോഗ്യമന്ത്രി വീണാ ജോര്ജ്. സംഭവം അന്വേഷിച്ച് നടപടി സ്വീകരിക്കാന് മെഡിക്കല് വിദ്യാഭ്യാസ ഡയറക്ടര്ക്ക് മന്ത്രി നിര്ദേശം നല്കി. സിപിഐ തിരുമല ലോക്കല് സെക്രട്ടറി തിരുമല രവിയാണ് കഴിഞ്ഞദിവസം ആശുപത്രിയില് എത്തിയപ്പോള് ലിഫ്റ്റില് കുടുങ്ങിയത്.
രവിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. മെഡിക്കല് കോളേജിന്റെ ഭാഗത്തുനിന്ന് ഗുരുതര വീഴ്ചയാണ് ഉണ്ടായതെന്ന് അദ്ദേഹം നേരത്തേ ആരോപിച്ചിരുന്നു. ശനിയാഴ്ച രാവിലെ 11 മണിയോടെയാണ് രവി ലിഫ്റ്റില് കുടുങ്ങിയത്. തിങ്കാളാഴ്ച രാവിലെ ലിഫ്റ്റ് ഓപ്പറേറ്റര് എത്തിയപ്പോഴായിരുന്നു രവി ലിഫ്റ്റില് കുടുങ്ങിയ വിവരം അറിഞ്ഞത്.
നടുവ് വേദനയ്ക്കായി ചികിത്സയ്ക്ക് എത്തിയ രവി സൂപ്രണ്ട് ഓഫീസിലെ ഒപി ബ്ലോക്കില് ലിഫ്റ്റിലാണ് കുടുങ്ങിയത്. കാണാതായപ്പോള് വീട്ടില് നിന്ന് ഫോണില് വിളിച്ചെങ്കിലും ലഭിച്ചതുമില്ല. തുടര്ന്ന് ബന്ധുക്കള് ഇന്നലെ രാത്രി മെഡിക്കല് കോളേജ് പൊലീസില് പരാതി നല്കിയിരുന്നു. ഫോണ് ലിഫ്റ്റില് വീണ് പൊട്ടിയതിനാല് ആരെയും വിളിക്കാന് സാധിച്ചില്ല.
താന് പല തവണ അലാറം അടിച്ചിട്ടും ലിഫ്റ്റില് അടിച്ചുവിളിച്ചിട്ടും ആരും എത്തിയില്ലെന്നും സ്ത്രത്തില് മലമൂത്രവിസര്ജനം ചെയ്തു. മരിച്ചുപോകുമായിരുന്നു. എന്തോ ഭാഗ്യം കൊണ്ടാണ് ജീവന് തിരിച്ചുകിട്ടിയതെന്നും അദ്ദേഹം പറഞ്ഞു.
