തിരുവനന്തപുരം; മെഡിക്കല് കോളേജില് രോഗി ലിഫ്റ്റില് കുടുങ്ങിയ സംഭവത്തില് മൂന്ന് ജീവനക്കാര്ക്കെതിരെ നടപടി.
രണ്ട് ലിഫ്റ്റ് ഓപ്പറേറ്റര്മാര്, ഡ്യൂട്ടി സാര്ജന്റ് എന്നിവരെയാണ് അന്വേഷണ വിധേയമായി സസ്പെന്ഡ് ചെയ്തത്.നടപടി സ്വീകരിച്ചത് മെഡിക്കല് വിദ്യാഭ്യാസ വകുപ്പ് ജോയിന്റ് ഡയറക്ടര് നടത്തിയ അന്വേഷണത്തിനെതുടര്ന്നാണ്.
നിരവധി രോഗികള് എത്തുന്ന ഒപിയുടെ അടുത്തുള്ള ലിഫ്റ്റാണ് തകരാറിലായത്. ശനിയാഴ്ച ഉച്ചയ്ക്ക് 12 മണിയോടെയാണ് ഉള്ളൂര് സ്വദേശി രവീന്ദ്രന് നായര് ലിഫ്റ്റില് കുടുങ്ങിയത്. രോഗി ലിഫ്റ്റില് കുടുങ്ങിയ വിവരം ആരും അറിഞ്ഞില്ല. തിങ്കളാഴ്ച രാവിലെ 6 മണിയോടെ ലിഫ്റ്റില് കുടുങ്ങിയ നിലയില് രവീന്ദ്രന് നായരെ കണ്ടെത്തുകയായിരുന്നു.
