പത്തനംതിട്ട; പതിനൊന്ന് വയസ് പ്രായമുള്ള രണ്ട് ആണ്കുഞ്ഞുങ്ങളെ ഒരേ ദിവസം പ്രകൃതി വിരുദ്ധ ലൈംഗികാതിക്രമത്തിന് ഇരയാക്കിയ കേസില് കോടതി ശിക്ഷ വിധിച്ചു.ചന്ദ്രനെന്ന 64കാരനാണ് പത്തനംതിട്ട പോക്സോ അതിവേഗ കോടതി ജഡ്ജ് 40 വര്ഷം കഠിന തടവിന് മൂന്നര ലക്ഷം രൂപ പിഴയും വിധിച്ചത്.
പിഴ ഒടുക്കാതിരുന്നാല് അധിക കഠിന തടവും ശിക്ഷ വിധിച്ചു. പ്രതി മലയാലപ്പുഴ മുക്കുഴിയില് ഇന്ദ്രന്സ് എന്ന പേരില് നടത്തിവന്നിരുന്ന ബാര്ബര് ഷോപ്പില് വച്ചാണ് കേസിനാസ്പദമായ സംഭവങ്ങള് നടന്നത്. 2023 കാലയളവിലെ സ്കൂള് വെക്കേഷന് സമയത്ത് സുഹൃത്തുക്കളായ രണ്ട് ആണ്കുട്ടികള് മുടിവെട്ടുന്നതിനായി പ്രതിയുടെ കടയില് എത്തുകയും പ്രതി ഓരോരുത്തരായി കുട്ടികളെ അടുത്തിരുത്തി ഭീഷണിപ്പെടുത്തി ലൈംഗിക പീഢനത്തിനിരയാക്കുകയുമായിരുന്നു.
