ചാലക്കുടി: ഇരുട്രാക്കുകളിലൂടെയും ട്രെയിന് വന്നപ്പോള് റെയില്വേ പാലത്തില് നിന്ന് നാലംഗസംഘം ചാടി. ഒരാളെ ട്രെയിന്തട്ടിയെന്നു സംശയം. ചാലക്കുടി പുഴയില് ചാടിയ നാലംഗ തട്ടിപ്പു സംഘം രക്ഷപ്പെട്ടതായാണു സൂചന. ട്രാക്കിലൂടെ മുരിങ്ങൂരിലെത്തിയ സംഘം കൊരട്ടി വഴി അങ്കമാലിക്ക് കടന്നതായാണ് ലഭ്യമായ വിവരം. ഇവരെ അങ്കമാലിയിലെത്തിച്ചെന്ന് പറയുന്ന ഓട്ടോ ഡ്രൈവറാണ് ഇക്കാര്യം വെളിപ്പെടുത്തിയത്.
ചാലക്കുടി പുഴയിലെ റെയില്വേ പാലത്തിലൂടെ നടന്നുപോയ നാലുപേര് പുഴയില് വീണതായാണ് നേരത്തെ പരന്ന വാര്ത്ത. പാലത്തില്വച്ച് ഒരാളെ ട്രെയിന് തട്ടിയെന്നും മൂന്ന് പേര് പുഴയിലേക്ക് ചാടയിയെന്നും ലോക്കോ പൈലറ്റാണ് പോലീസില് വിവരം നല്കിയത്. പോലീസും ഫയര്ഫോഴ്സും പുഴയില് പരിശോധന നടത്തിയെങ്കിലും ആരേയും കണ്ടെത്താനായില്ല.
ഞായര് അര്ധരാത്രിയോടെ റെയില്വേ പാലത്തിന് സമീപം സ്വര്ണ കൈമാറ്റവുമായി ബന്ധപ്പെട്ട് ചില തര്ക്കങ്ങള് ഉണ്ടായതായി പോലീസ് അനേ്വഷണത്തില് സൂചന ലഭിച്ചിട്ടുണ്ട്. ഇതില് നാലു പേര് പുഴയുടെ ഭാഗത്തേക്ക് ഓടിപ്പോയപ്പോള് ട്രയിന് ഇതുവഴി കടന്ന് പോയിരുന്നു.
പ്രദേശത്ത് നിന്ന് ആരെയങ്കിലും കാണാതായിട്ടുണ്ടോയെന്ന് പോലീസ് നടത്തിയ അനേ്വഷണത്തിലും ഒരു സൂചനയും ലഭിച്ചില്ല. റെയില്വേ സ്റ്റേഷന് സമീപം സര്ണ ഇടപാട് നടന്നുവെന്നും വ്യാജ സ്വര്ണം നല്കി നാല് ലക്ഷം രൂപയോളം തട്ടി നാല്വര് സംഘം രക്ഷപ്പെട്ടുവെന്നുമാണ് നിലവില് ലഭിക്കുന്ന വിവരം. ഇത് സംബന്ധിച്ച് മലപ്പുറം സ്വദേശി പോലീസില് പരാതിയും നല്കിയിട്ടുണ്ട്.
ഓട്ടോയില് രക്ഷപ്പെട്ടുവെന്ന് കരുതുന്ന സംഘത്തിലെ ഒരാള് പെരുമ്പാവൂരിലെ സ്വകാര്യ ആശുപത്രിയില് ചികിത്സയിലുണ്ടെന്നാണ് അനേ്വഷണത്തില് വ്യക്തമാകുന്നത്. ട്രെയിന് തട്ടി പരുക്കേറ്റയാളായിരിക്കാം ഇതെന്നാണ് കരുതുന്നത്. ഇയാളുടെ മൊഴിയെടുത്താല് കൂടുതല് വ്യക്തത ലഭിക്കും. എന്നാല് രണ്ട് ദിവസം കഴിഞ്ഞാലേ ചോദ്യംചെയ്യല് നടക്കൂവെന്നാണ് അറിയുന്നത്.
