ബോളിവുഡിന്റെ പ്രിയ താരം അക്ഷയ്കുമാറിന്റെ ഭാര്യയും എഴുത്തുകാരിയും അഭിനേത്രിയുമാണ് ട്വിങ്കിള് ഖന്ന. താരപത്നിമാരില് ശ്രദ്ധേയായ ട്വിങ്കിള് അക്ഷയ് കുമാറിനെ വിവാഹം ചെയ്ത ശേഷം സിനിമാ കരിയർ വിട്ട് അറിയപ്പെടുന്ന കോളമിസ്റ്റായി മാറി. അഭിനയത്തോട് മുന്പ് തന്നെ താത്പര്യമില്ലാതിരുന്ന താരം വിവാഹത്തോടെ വെള്ളിത്തിരയില് നിന്ന് അകലം പാലിച്ചിരുന്നു. സോഷ്യല് മീഡിയയിലും നിറഞ്ഞു നില്ക്കുന്ന താരമാണ് ട്വിങ്കിള്. രസകരമായി കാര്യങ്ങള് കുറിക്കുകയും അതുവഴി ശ്രദ്ധിക്കപ്പെടുകയും ചെയ്തിട്ടുണ്ട് താരം. ഇടയ്ക്കിടെ സാമൂഹിക പ്രശ്നങ്ങളെ നർമ്മത്തിലൂടെ അഭിസംബോധന ചെയ്യാറുള്ള താരം കാര്യങ്ങൾ തുറന്ന് സംസാരിക്കുന്ന പ്രകൃതക്കാരിയാണ് കൂടിയാണ്.
ഇപ്പോഴിതാ പ്രായം അമ്പതുകളിലേക്ക് കടന്ന തനിക്കുള്ള മാറ്റങ്ങളെക്കുറിച്ച് കുറിക്കുകയാണ് ട്വിങ്കിള്. ഒരു മഗ് പിടിച്ച് ആശയക്കുഴപ്പത്തിലായ ഒരു ഭാവത്തോടെയുള്ള വീഡിയോയാണ് താരം പങ്കുവച്ചിരിക്കുന്നത്. ‘‘നിങ്ങൾക്ക് 50 വയസ്സുള്ളപ്പോൾ നിങ്ങളുടെ ആർത്തവം വൈകുമ്പോൾ, ഇത് ആർത്തവവിരാമമാണോ ഗർഭധാരണമാണോ എന്ന് നിങ്ങൾ ചിന്തിക്കും...’’ എന്ന ക്യാപ്ഷന് നല്കിയാണ് താരത്തിന്റെ ഷോര്ട്ട് വീഡിയോ.
താരപത്നിയുടെ പോസ്റ്റ് വൈറലായതോടെ ഈ നിഗൂഢമായ പോസ്റ്റ് മൂന്നാമത്തെ കുട്ടിയുമായി ഗർഭിണിയാണെന്ന ഊഹാപോഹങ്ങൾക്ക് വഴിവച്ചിട്ടുണ്ട്. പല ആരാധകരും കമന്റുകളിലൂടെ സംശയം പ്രകടിപ്പിക്കുന്നുമുണ്ട്.
