ന്യൂഡല്ഹി: പുതിയ മോദി സര്ക്കാരിന്റെ 2024 ലെ ആദ്യ ബജറ്റില് കര്ഷകര്ക്ക് വലിയ പ്രഖ്യാപനങ്ങള്. കൃഷിക്ക് ഗവേഷണവും സാമ്പത്തീക സഹായവും പ്രഖ്യാപിച്ചിട്ടുണ്ട്. കാര്ഷിക മേഖലക്ക് 1.52 ലക്ഷം കോടി വകയിരുത്തി.
എണ്ണക്കുരുക്കളുടെ ഉത്പാദനം വര്ധിപ്പിക്കാന് നവീന പദ്ധതി. കാലാവസ്ഥ വ്യതിയാനങ്ങളെ അതിജീവിക്കുന്ന വിളകള് കര്ഷകര്ക്ക് ലഭ്യമാക്കും. അടുത്ത രണ്ട് വര്ഷത്തിനുള്ളില് രാജ്യത്തുടനീളമുള്ള ഒരു കോടി കര്ഷകരെ ഉള്പ്പെടുത്തിയുള്ള ജൈവകൃഷിക്ക് തുടക്കമിടുമെന്ന് ധനകാര്യമന്ത്രി വ്യക്തമാക്കി. സര്ട്ടിഫിക്കേഷനും ബ്രാന്ഡിംഗും ഇതിന് ഉറപ്പാക്കുമെന്നും നിര്മ്മല സീതാരാമന് പറഞ്ഞു.
ഗവേഷണ സ്ഥാപനങ്ങള് വഴിയും സന്നദ്ധതയുള്ള ഗ്രാമപഞ്ചായത്തുകള് വഴിയുമാണ് ഇത് നടപ്പാക്കുക. ആവശ്യാനുസരണം 10,000 ബയോ ഇന്പുട്ട് റിസോഴ്സ് സെന്ററുകള് സ്ഥാപിക്കുമെന്നും ധനകാര്യ മന്ത്രി. മുദ്ര വായ്പയുടെ പരിധി ഉയര്ത്തി. പത്ത് ലക്ഷത്തില് നിന്ന് 20 ലക്ഷമാക്കി ഉയര്ത്തി.
