ചാലിയാരില് മണന്തല കടവില് 10 വയസ് പ്രായം തോന്നിക്കുന്ന ഒരു പെണ്കുട്ടിയുടെ മൃതദേഹം കണ്ടെത്തി.ഒഴുകിയെത്തിയ നിലയിലാണ് മൃതദേഹം കണ്ടത്.വൈകുന്നേരം 5 മണിയോടെ മണന്തലക്കടവിന് സമീപത്തായി പൊങ്ങി നില്ക്കുന്ന രീതിയിലായിരുന്നു മൃതദേഹം.പോലീസില് ഉടന് തന്നെ വിവരമറിയിച്ചു. പൊലീസ് സ്ഥലത്തെത്തി മൃതദേഹം കരക്കെ ത്തിച്ചിട്ടുണ്ട് . ഉടന് തന്നെ മറ്റു നടപടികള്ക്കായി മഞ്ചേരി മെഡിക്കല് കോളജിലേക്ക് മാറ്റി. വയനാട്ടില് ദുരന്ത മുഖത്ത് നിന്ന് കാണാതായ പെണ്കുട്ടിയാണ് മരിച്ചതെന്ന് സംശയമുണ്ട്.
അതേസമയം വയനാട്ടിലെ ദുരന്ത മുഖത്ത് രക്ഷാപ്രവര്ത്തനം തടസപ്പെട്ടു. ചൂരല് മലയില് കണ്ണാടിപ്പുഴയില് അതിശക്തമായ മഴയെ തുടര്ന്ന് കനത്ത മലവെള്ളപ്പാച്ചിലാണ് തിരിച്ചടിയായത്. നിര്ത്താതെ പെയ്യുന്ന പെരുമഴയാണ് ചൂരല് മഴയില്. പുഴയില് ഉരുള്പൊട്ടിയതിന് സമാനമായ നിലയിലാണ് മലവെള്ളം കുതിച്ചൊഴുകുന്നത്. സ്ഥലത്ത് സൈന്യത്തിന്റെ താത്കാലിക പാലം നിര്മ്മാണവും മുടങ്ങിയിട്ടുണ്ട്.
