കേരളകഫേ എന്ന ചിത്രത്തിലൂടെ മലയാള സിനിമയിലെത്തിയ താരമാണ് ശിവദ. പിന്നീട് ആല്ബങ്ങളിലൂടെയും ചാനല് പരിപാടികളിലുടെയും താരം കുടുംബപ്രേക്ഷകര്ക്ക് സുപരിചതയായി. ഫാസില് സംവിധാനം ചെയ്ത ലിവിങ്ങ് ടു ഗെദര് എന്ന ചിത്രത്തലൂടെ വീണ്ടും സിനിമയിലേക്ക് തിരിച്ചെത്തിയ താരം ഏറെ ശ്രദ്ധിക്കപ്പെട്ടത് സുസു സുധി വാത്മീകത്തിലൂടെയാണ്. മലയാളത്തില് അടുത്തിടെയിറങ്ങുന്ന മിക്ക ചിത്രങ്ങളിലും ശിവദയുണ്ട്. മലയാളത്തില് മാത്രമല്ല തമിഴിലും തിളങ്ങി നില്ക്കുന്ന താരമാണ് ശിവദ.
കരിയറും വ്യക്തിജീവിതവും ഒരുപോലെ കൊണ്ടുപോകുന്നവരില് ശ്രദ്ധേയയാണ് ശിവദ. പ്രണത്തിലൂടെയാണ് അഭിനേതാവായ മുരളി കൃഷ്ണനെ ശിവദ ജീവിതപങ്കാളിയാക്കിയത്. ഇവര്ക്ക് അരുന്ധതി എന്നൊരു മകളുമുണ്ട്. മുരളിക്കും മകള്ക്കൊപ്പമുള്ള ഫോട്ടോഷൂട്ടുകളും സിനിമാവിശേഷങ്ങളും ശിവദ സോഷ്യല് മീഡിയയിലൂടെ പങ്കിടാറുണ്ട്.
ഇപ്പോഴിതാ ഭര്ത്താവ് മുരളി കൃഷ്ണനെക്കുറിച്ച് ശിവദ പറയുന്ന കാര്യങ്ങളാണ് സോഷ്യല് മീഡിയ ഏറ്റെടുക്കുന്നത്. മുരളി സിനിമാ രംഗം തനിക്ക് വേണ്ടി വിട്ടതാണെന്നും എല്ലാവരുടെയും വിചാരം താനാണ് വീട്ടില് സമ്പാദിക്കുന്നതെന്നും, എന്നാല് അങ്ങനെയല്ലെന്നും പറയുകയാണ് താരം.
‘‘ജീവിതത്തില് സെറ്റില്ഡ് ആകണമെന്ന് രണ്ട് വീട്ടുകാരും കൂടെ തീരുമാനിച്ചപ്പോള് രണ്ട് പേർക്കും സ്ഥിര ജോലി ഇല്ല. വീട്ടുകാർ സമ്മതിക്കില്ല. മുരളിയുടെ അമ്മ വെയർ ഹൗസ് മാനേജർ ആയിരുന്നു. അച്ഛൻ സ്കൂളിലെ പ്രിൻസിപ്പില് ആയിരുന്നു. രണ്ട് പേർക്കും ജോലിയില്ലാതെ എങ്ങനെ കല്യാണം കഴിപ്പിച്ച് വിടും എന്ന ചോദ്യം വന്നപ്പോള് സത്യം പറഞ്ഞാല് മുരളി മുരളിയുടെ ആഗ്രഹങ്ങള്ക്ക് ഫുള് സ്റ്റോപ്പിട്ടു.
ബ്രേക്കെടുത്ത് ബിസിനസിലേക്ക് പോയി. അതൊന്ന് സെറ്റിലായി സ്വന്തം കാലില് നില്ക്കാമെന്ന് ആയപ്പോഴാണ് ഞങ്ങള് കല്യാണം കഴിച്ചത്. എനിക്ക് വേണ്ടി അദ്ദേഹത്തിന്റെ സ്വപ്നങ്ങള് വേണ്ടെന്ന് വെച്ചെന്ന് ഉറപ്പിച്ച് പറയാം. ഇപ്പോള് പോലും അങ്ങനെയാണ്. ആള് ഇത്രയും വലിയ ബ്രേക്കെടുത്തു.
2015 ലായിരുന്നു വിവാഹം. നാല് വർഷം കൊണ്ട് ആള് കഷ്ടപ്പെട്ട് ബിസിനസ് ചെയ്തു. എല്ലാവരുടെയും വിചാരം ഞാനാണ് വീട്ടില് സമ്പാദിക്കുന്നതെന്നാണ്. പക്ഷെ അല്ല. ഞാനദ്ദേഹത്തെ സപ്പോർട്ട് ചെയ്യുന്നു. ഇപ്പോള് സ്ഥലം വാങ്ങി വീട് വെച്ചു. അതെല്ലാം തന്റെ ഭർത്താവിന്റെ അധ്വാനം കൊണ്ടാണ്.
വിവാഹ ജീവിതം സന്തോഷകരമായി മുന്നോട്ട് കൊണ്ട് പോകുന്നത് പരസ്പരം മനസിലാക്കുന്നത് കൊണ്ടാണ്. അത് ചുമ്മാ പറയുന്നതല്ല. പ്രേമിക്കുമ്പോള് ഏറ്റവും നല്ല വശമേ കാണിക്കൂ എന്ന് പലരും പറയും. പക്ഷെ ഞങ്ങള് രണ്ട് പേരും ഏറ്റവും മോശം വശമാണ് കാണിച്ചിരിക്കുന്നത്.
എല്ലാ കാര്യങ്ങളും തുറന്ന് പറയാൻ പറ്റില്ല. പക്ഷെ എക്സ്ട്രീമായ സാഹചര്യം ഉണ്ടായിട്ടുണ്ട്. കരിയർ റിലേറ്റഡ് ആയിട്ടല്ല ഞാൻ പറയുന്നത്. വേറെ കാര്യങ്ങളാണ്. ഇതൊരു ഫുള്സ്റ്റോപ്പിലെത്തും എന്ന് വിചാരിച്ചിട്ടുണ്ട്. ഞങ്ങളുടെ കുടുംബം പോലും അങ്ങനെ കരുതി. പക്ഷെ അങ്ങനത്തെ സാഹചര്യത്തില് പോലും എന്നെ തിരിച്ച് കൊണ്ട് വന്ന ആളായിരുന്നു മുരളി.
എന്റെ ജീവിതത്തില് ഇതുവരെ നടന്ന കാര്യങ്ങളെല്ലാം ഓപ്പണായി പറഞ്ഞ ഒറ്റ ആള് മുരളി മാത്രമാണ്. എന്നെ അത്രമാത്രം സ്നേഹിക്കുന്ന ആളെ വിട്ട് കളയരുതെന്ന് ഞാന് തീരുമാനിക്കുകയായിരുന്നു...’’ ശിവദ പറയുന്നു. ധന്യ വര്മ്മയ്ക്കൊപ്പമുള്ള ചാറ്റ് ഷോയിലാണ് ശിവദയിത് പറഞ്ഞത്.
