ഖത്തറിലേക്കുള്ള സന്ദർശകർക്ക് അടിയന്തര ചികിത്സയും സഹായവും സംബന്ധിച്ച വിവരങ്ങൾ ഹമദ് മെഡിക്കൽ കോർപ്പറേഷൻ (എച്ച്എംസി) വിശദീകരിച്ചു. സർക്കാരിന് കീഴിലുള്ള ആരോഗ്യ പരിരക്ഷാ സംവിധാനം അടിയന്തര വൈദ്യചികിത്സയും സഹായവും ആവശ്യമുള്ള സന്ദർശകർക്ക് ലഭ്യമാക്കുന്നതിന്റെ ഭാഗമായാണ് നടപടി.
സന്ദർശകരുടെ നിർബന്ധിത ഇൻഷുറൻസ് ഉപയോഗിച്ച് എച്ച്എംസിയിൽ അടിയന്തര വൈദ്യചികിത്സ നൽകും. ഖത്തറിൽ 2023-ൽ എല്ലാ സന്ദർശകർക്കും ഗുണനിലവാരമുള്ള ആരോഗ്യ സംരക്ഷണം ലഭിക്കുന്നുണ്ടെന്ന് ഉറപ്പാക്കാൻ നിർബന്ധിത സന്ദർശക ആരോഗ്യ ഇൻഷുറൻസ് പദ്ധതി അവതരിപ്പിച്ചിരുന്നു.
150,000 ഖത്തർ റിയാൽ വരെ നിർബന്ധിത സന്ദർശക ആരോഗ്യ ഇൻഷുറൻസ് സ്കീം സന്ദർശകർക്ക് അടിയന്തര വൈദ്യചികിത്സയ്ക്കായി പരിരക്ഷ നൽകും. മെഡിക്കൽ ഇൻഷുറൻസ് സഹായം ലഭിക്കുമോ എന്ന് വ്യക്തികൾക്ക് ഉറപ്പില്ലെങ്കിൽ, എമർജൻസി ഡിപ്പാർട്ട്മെന്റിലെ ഇൻഷുറൻസ് കോർഡിനേഷൻ ടീമിലെ അംഗവുമായി സംസാരിക്കാമെന്ന് എച്ച്.എം.സി അധികൃതർ നിർദേശിച്ചു.
