അന്യ സംസ്ഥാനങ്ങളില് നിന്നും ഓണത്തിന് മുന്നോടിയായി ചെക്ക് പോസ്റ്റുകള് വഴി കടന്നുവരുന്ന ഭക്ഷ്യ പദാര്ത്ഥങ്ങളുടെ ഗുണനിലവാരം ഉറപ്പ് വരുത്തുന്നതിലേയ്ക്കായി ചെക്ക് പോസ്റ്റുകള് കേന്ദ്രീകരിച്ച് ഭക്ഷ്യ സുരക്ഷാ പരിശോധനകള് ശക്തമാക്കിയതായി ആരോഗ്യ മന്ത്രി വീണാ ജോര്ജ്.
പാലക്കാട് ജില്ലയിലെ വാളയാര്, മീനാക്ഷിപുരം, ഗോവിന്ദാപുരം എന്നീ ചെക്ക് പോസ്റ്റുകളില് ഭക്ഷ്യസുരക്ഷ സ്പെഷ്യല് ടാസ്ക് ഫോഴ്സിന്റെ നേതൃത്വത്തില് രാത്രികാല പരിശോധനകള് നടത്തി. 53 വാഹനങ്ങള് പരിശോധന നടത്തി. 18 സാമ്പിളുകള് പരിശോധനയ്ക്ക് വിധേയമാക്കി. കൂടുതല് പരിശോധന ആവശ്യമായ 7 സ്റ്റാറ്റിയുട്ടറി സാമ്പിളകള് ശേഖരിച്ച് എറണാകുളം അനലിറ്റിക്കല് ലാബില് പരിശോധനക്ക് അയച്ചിട്ടുണ്ട്. ചെക്ക് പോസ്റ്റുകളില് ഓണത്തോടനുബന്ധിച്ച് കൂടുതല് പരിശോധന നടത്തുന്നതാണെന്ന് മന്ത്രി പറഞ്ഞു.
മീനാക്ഷിപുരം, വാളയാര്, ഗോവിന്ദാപുരം എന്നീ മൂന്ന് സ്ക്വാഡുകളായി ചെക്ക് പോസ്റ്റുകളിലായിരുന്നു പരിശോധന. പാല്, പഴവര്ഗങ്ങള്, മത്സ്യം, വെളിച്ചെണ്ണ എന്നിവ മൊബൈല് ഫുഡ് ടെസ്റ്റിങ് ലാബിന്റെ സഹായത്തോടെ പരിശോധന നടത്തി. ലാബില് നിന്ന് പരിശോധന റിപ്പോര്ട്ട് വരുന്നതനുസരിച്ച് തുടര് നടപടികള് സ്വീകരിക്കുന്നതാണ്.
