സിനിമ കോണ്ക്ലേവ് പണവും സമയവും വെറുതെ കളയാന് മാത്രമേ ഉപകാരപ്പെടുകയുള്ളുവെന്ന് നടി രഞ്ജിനി. കോണ്ക്ലേവ് വിളിച്ച് ചര്ച്ച ചെയ്യേണ്ട ഒരു ആവശ്യവുമില്ല. ഹേമാ കമ്മിറ്റി റിപ്പോര്ട്ടിലെ ശിപാര്ശ നടപ്പാക്കുകയാണ് വേണ്ടതെന്നും രഞ്ജിനി തന്റെ ഫേസ്ബുക്കില് കുറിച്ചു.
ഹേമാ കമ്മിറ്റി റിപ്പോര്ട്ട് സമര്പ്പിച്ച ശേഷവും സിനിമാ മേഖലയില് കാര്യമായ മാറ്റമുണ്ടായിട്ടില്ല. ആഭ്യന്തര പരാതി പരിഹാര കമ്മിറ്റി കടലാസില് മാത്രമാണ്. നടപടികളിലേക്ക് കടക്കാത്തതുകൊണ്ട് മൊഴി കൊടുത്തവര് പേടിച്ചിരിക്കേണ്ട അവസ്ഥയാണ്. അമ്മ സംഘടനയിലുള്ള സ്ത്രീകളുടെ മൊഴിയെടുത്തില്ല എന്ന വിമര്ശനത്തില് കാര്യമില്ല.
റിപ്പോര്ട്ടിലെ ശിപാര്ശകള് പരിശോധിച്ച് നടപടി സ്വീകരിക്കുകയാണ് ചെയ്യേണ്ടതെന്നും രഞ്ജിനി പറഞ്ഞു.വളരെ സെന്സിറ്റീവായ വിഷയത്തെ ശരിയായ രീതിയില് കൈകാര്യം ചെയ്തില്ലെന്നും അവര് കുറ്റപ്പെടുത്തി.ഹേമാ കമ്മിറ്റിക്ക് മൊഴി നല്കിയത് വിഡ്ഢിത്തമായിപ്പോയെന്ന് തോന്നുന്നുവെന്ന് രഞ്ജിനി പറഞ്ഞു.
