അടുത്തിടെയായിരുന്നു മീര ലണ്ടനിലെത്തിയത്. ആന് അഗസ്റ്റിനും ഉണ്ണിയുമെല്ലാം മീരയ്ക്ക് പിന്നാലെ ലണ്ടനിലെത്തിയിരുന്നു. വിവാഹ ശേഷം ശ്രീജു ഗംഭീര വിരുന്ന് നടത്തിയിരുന്നു. അതില് പങ്കെടുക്കാനായിരുന്നു ആനും ഉണ്ണിയുമെല്ലാം എത്തിയത്.
സൂര്യന് തിളങ്ങുന്നത് കണ്ട് ഞാന് സന്തോഷിച്ച ഒരേയൊരു നിമിഷം ഇതായിരിക്കുമെന്ന ക്യാപ്ഷനോടെയായിരുന്നു മീര പുത്തന് ചിത്രങ്ങള് പങ്കുവെച്ചത്. നീല ഗൗണും ജാക്കറ്റും അണിഞ്ഞുള്ള ചിത്രങ്ങള് ഇതിനകം വൈറലായിക്കഴിഞ്ഞിട്ടുണ്ട്.
നിരവധി പേരായിരുന്നു ചിത്രത്തിന് താഴെയായി മീരയോട് സ്നേഹം അറിയിച്ചത്. ഈ ഗാണില് അതീവ സുന്ദരിയായിരിക്കുന്നു എന്നായിരുന്നു കുറേപേര് പറഞ്ഞത്. ശ്രീജുവാണോ ചിത്രങ്ങള് പകര്ത്തിയതെന്നായിരുന്നു ചിലര് ചോദിച്ചത്.
അറേഞ്ച്ഡ് മാര്യേജിലൂടെയാണ് മീരയും ശ്രീജുവും ഒന്നിച്ചത്. വിവാഹ ശേഷം ലണ്ടനില് സ്ഥിരതാമസമാക്കേണ്ടി വരുമോയെന്ന ആശങ്കയായിരുന്നു മീരയ്ക്ക്. എന്നാല് അക്കാര്യത്തില് ആശങ്കപ്പെടാനില്ലെന്നും മീരയ്ക്ക് ദുബായില് തുടരാമെന്നുമായിരുന്നു ശ്രീജു പറഞ്ഞത്.
മീരയെ ആദ്യം കണ്ടപ്പോള് തന്നെ ഇഷ്ടമായെന്നായിരുന്നു ശ്രീജു പറഞ്ഞത്. ഈ പെണ്കുട്ടിയായിരിക്കും ഭാര്യയായി വരുന്നതെന്ന് മനസ് പറയുന്നുണ്ടായിരുന്നു. ഗുരുവായൂരമ്പലത്തില് വെച്ച് മതി വിവാഹം എന്ന മീരയുടെ ആഗ്രഹത്തിന് ശ്രീജുവും സമ്മതം അറിയിക്കുകയായിരുന്നു.
