ബാലതാരമായി വന്ന് ഹൃദയം കീഴടക്കിയ ഒരുപാട് താരങ്ങള് പിന്നീട് മലയാള സിനിമയിലെ തിരക്കുള്ള നായിക നായകന്മാരായി മാറിയിട്ടുണ്ട്. അക്കൂട്ടത്തില് എന്നും എപ്പോഴും മുന്പന്തിയില് നില്ക്കുന്ന പേരാണ് ബേബി ശാലിനിയുടേത്. ബാലതാരമായി പ്രേക്ഷകഹൃദയം കീഴടക്കിയ ശാലിനി പിന്നീട് തെന്നിന്ത്യയിലെ തിരക്കുള്ള നായികയായി. ബാലതാരമായി അഭിനയിച്ച് തുടങ്ങിയ ശാലിനി എല്ലാ പ്രായക്കാർക്കും ഒരുപോലെ പ്രിയങ്കരിയായിരുന്നു. എന്റെ മാമാട്ടിക്കുട്ടിയമ്മയ്ക്ക് എന്ന സിനിമയാണ് ബേബി ശാലിനിക്ക് പ്രശസ്തി നേടി കൊടുത്തത്. പ്രായത്തില് കവിഞ്ഞ പക്വതയോടെ അഭിനയിച്ചിരുന്ന ബേബി ശാലിനി ഒരുപാട് സിനിമകളില് ബാലതാരമായി തിളങ്ങി. അക്കാലത്ത് മിക്ക കുട്ടികളെയും സ്നേഹപൂര്വ്വം മാമാട്ടിക്കുട്ടി എന്ന് വിളിച്ചിരുന്നു, പല കുട്ടികളുടെയും ഹെയര് സ്റ്റൈല് പോലും മാമാട്ടി കട്ട് ആയിരുന്നു.
പിന്നീട് നായികയപ്പോഴും ബേബി ശാലിനിക്ക് ഒരുപാട് ആരാധകരുണ്ടായി. തമിഴകത്തിന്റെ സ്വന്തം തല അജിത്തിനെ വിവാഹം ചെയ്ത താരം വീട്ടമ്മയായി ഒതുങ്ങിക്കൂടുകയാണ്. തെന്നിന്ത്യൻ സിനിമാപ്രേമികള് ആരുടെയെങ്കിലും സിനിമയിലേക്കുള്ള തിരിച്ചുവരവ് ഏറ്റവും കൂടുതല് ആഗ്രഹിക്കുന്നുണ്ടെങ്കില് അത് ശാലിനിയുടേതാണ്.
ബാലതാരമായി തിളങ്ങിയ ശാലിനി അനിയത്തിപ്രാവ് എന്ന സിനിമയില് കുഞ്ചാക്കോ ബോബന്റെ നായികയായാണ് രണ്ടാം വരവ് നടത്തിയത്. രണ്ടാം വരവില് സ്വീകാര്യത പഴയതിനേക്കാള് പതിന്മടങ്ങായിയെന്ന് മാത്രമല്ല തെന്നിന്ത്യയില് ഏറ്റവും തിരക്കുള്ള നായികയുമായിരുന്നു. അനിയത്തിപ്രാവ് അക്കാലത്ത് വൻ ഹിറ്റായിരുന്നു. ഒപ്പം കുഞ്ചാക്കോ ബോബൻ-ശാലിനി ജോഡിയും.
ഇപ്പോഴിതാ ഈ സിനിമയില് ശാലിനിയുടെ സുഹൃത്തായി അഭിനയിച്ച നടി ചാന്ദ്നി സാജു ശാലിനിക്കൊപ്പമുള്ള ഷൂട്ടിങ് അനുഭവം പങ്കിടുകയാണ്. ശാലിനി തങ്ങള്ക്ക് എല്ലാം അക്കാലത്ത് ഒരു അത്ഭുതമായിരുന്നുവെന്നും സെറ്റില് എല്ലാവരോടും നല്ല കമ്പനിയായിരുന്നുവെന്നുമാണ് ചാന്ദ്നി പറയുന്നത്.
‘‘അന്ന് ശാലിനി ശരിക്കും നമുക്കെല്ലാം ഒരു അത്ഭുതമായിരുന്നു. എന്റെ ഒരു ഓർമ പറയുകയാണെങ്കില് ഒരു വെള്ള അംബാസിഡറിലാണ് ശാലിനി വരിക. ശാലിനി മാമാട്ടിക്കുട്ടിയമ്മയിലൊക്കെ അഭിനയിച്ച് ഹിറ്റായ ശേഷം വാങ്ങിയ കാറാണ്. ആ കാറില് തന്നെയാണ് അനിയത്തിപ്രാവിന്റെ സെറ്റില് വെന്നത്. അത്രം വർഷം പഴക്കമുള്ള അംബാസിഡറായിരുന്നു. ശാലിനിയുടെ അച്ഛൻ ബാബു അങ്കിള് അത് പറയുമായിരുന്നു. അത് അവർക്കും ഒരു ഫീലാണത്രെ.
ശാലിനി കാറില് വന്നിറിങ്ങുമ്പോള് അതേ ഹൈറ്റിലുള്ള മൂന്ന് നാല് പേർ കൂടി ഒപ്പമിറങ്ങും. ടച്ചപ്പും ഹെയർ സ്റ്റൈലിസ്റ്റുമെല്ലാമാണ്. എല്ലാവരും ആണുങ്ങളാണ്. വൈറ്റ് ആന്റ് വൈറ്റൊക്കെയിട്ട് പോക്കറ്റില് ടെലി കോംമ്പോക്കെയുണ്ടാകും. നമുക്ക് ഒരു അത്ഭുതമായിരുന്നു. ശാലിനി ആദ്യ പടത്തില് തന്നെ അങ്ങനെയായിരുന്നു. കാരണം ബാലതാരമായി അഭിനയം നിർത്തി പോകുമ്ബോള് ശാലിനി അപ്പോഴെ ഒരു കുട്ടി സൂപ്പർസ്റ്റാറായിരുന്നുവല്ലോ.
അതുകൊണ്ട് തന്നെ നായികയായുള്ള ആദ്യ പടത്തിന് വന്നപ്പോഴും അതേ റേഞ്ചിലാണ് ശാലിനി വന്നത്....’’ ചാന്ദ്നി പറയുന്നു. ഒരു മാധ്യമത്തിന് നല്കിയ അഭിമുഖത്തിലാണ് താരമിത് പറഞ്ഞത്.
2000ല് അജിത്തുമായുള്ള വിവാഹശേഷമാണ് ശാലിനി സിനിമ ഉപേക്ഷിച്ചത്. ഇരുവരും രണ്ട് മതവിഭാഗങ്ങളില് പെട്ടവരായതിനാല് രണ്ട് ആചാരങ്ങളിലുള്ള വിവാഹമായിരുന്നു താരങ്ങളുടേത്. അമർക്കളം എന്ന തമിഴ് ചിത്രത്തിന്റെ ലൊക്കേഷനില് വെച്ചാണ് ശാലിനിയും അജിത്തും പ്രണയത്തിലായത്. അലൈപ്പായുതേ സിനിമയുടെ വമ്പന് വിജയത്തിനു ശേഷമായിരുന്നു താരങ്ങളുടെ വിവാഹം. അനോഷ്ക എന്ന മകളും അദ്വിക് എന്ന മകനുമാണ് ഈ താരദമ്പതിമാര്ക്കുള്ളത്. രണ്ട് വര്ഷത്തിനു മുമ്പ് താരം സോഷ്യല് മീഡിയയില് സജീവമായി. ഇപ്പോഴിതിലൂടെ തന്റെ ചിത്രങ്ങളും കുടുംബത്തിന്റെ വിശേഷങ്ങളും ചിത്രങ്ങളുമെല്ലാം താരം പങ്കിടാറുണ്ട്.
