കോഴിക്കോട് ; കോഴിക്കോട് റെയില്വേ സ്റ്റേഷനില് ട്രെയിനില് വീണുമരിച്ചയാളെ തള്ലിയിട്ടതെന്ന് സംശയം.ഒരാളെ സംഭവത്തില് പോലീസ് കസ്റ്റഡിയിലെടുത്തു. യാത്രക്കാരില് ഒരാളുടെ മൊഴിയുടെ അടിസ്ഥാനത്തിലാണ് കസ്റ്റഡിയിലെടുത്തത്. ഇയാളെ ചോദ്യം ചെയ്ത് വരികയാണെന്നു റെയില്വേ പൊലീസ് അറിയിച്ചു. ഇന്നലെ രാത്രി ട്രെയിനില് നിന്ന് വീണ് മരിച്ചയാളെ തിരിച്ചറിഞ്ഞിട്ടില്ല.
കോഴിക്കോട് റെയില്വേ സ്റ്റേഷനില് 11.30ന് എത്തിയ മംഗളൂരു-കൊച്ചുവേളി ട്രെയിനില് നിന്നാണ് യാത്രക്കാരന് വീണത്. എസി കമ്പാര്ട്മെന്റിലെ ഡോറില് ഇരുന്ന ആളാണ് മരിച്ചത്. സ്റ്റേഷനില് നിന്നും ട്രെയിന് എടുത്ത ഉടനെയാണ് അപകടമുണ്ടായത്. യാത്രക്കാര് ചങ്ങല വലിച്ചാണ് ട്രെയിന് നിര്ത്തിയത്. ട്രെയിനിനും പ്ലാറ്റ്ഫോമിനും ഇടയില് കുടുങ്ങുകയായിരുന്നു യാത്രക്കാരന്. ഉടന് തന്നെ സ്വകാര്യ ആശുപത്രിയില് എത്തിച്ചെങ്കിലും മരിച്ചിരുന്നു. മൃതദേഹം മെഡിക്കല് കോളേജ് മോര്ച്ചറിയിലേക്ക് മാറ്റി.
