തെന്നിന്ത്യയില് ഏറെ ആരാധകരുള്ള താരമാണ് കാജല് അഗര്വാള്. ജനനം മുബൈയിലാണെങ്കിലും താരം തിളങ്ങിയത് തെന്നിന്ത്യയിലാണ്. അഭിനയമികവു കൊണ്ട് മാത്രമല്ല ആളുകളോടുള്ള താരത്തിന്റെ പെരുമാറ്റവും സംസാരവുമൊക്കെ കാജലിനെ ജനപ്രിയയാക്കിയിട്ടുണ്ട്. താരത്തിന്റെ വീഡിയോയും ചിത്രങ്ങളും നിമിഷനേരം കൊണ്ടാണ് ആരാധകര് ഏറ്റെടുക്കുന്നത്.
ഇപ്പോഴിതാ അപ്രതീക്ഷിതമായി നടൻ സൂര്യയെ കണ്ടുമുട്ടിയ തെന്നിന്ത്യൻ താരം കാജല് അഗർവാളിന്റെ വീഡിയോയാണ് ആരാധകര് ഏറ്റെടുക്കുന്നത്. വിമാനത്താവളത്തില് വെച്ചാണ് ഇരുവരും കണ്ടുമുട്ടിയത്. കാജല് ഭര്ത്താവിനും കുഞ്ഞിനുമൊപ്പമായിരുന്നു. ഇരുവരുടേയും അപ്രതീക്ഷിത കണ്ടുമുട്ടലും സൂര്യയെ കണ്ട് ആശ്ചര്യപ്പെടുന്ന കാജലിന്റെ ദൃശ്യങ്ങളും സോഷ്യല് മീഡിയ ഏറ്റെടുത്തു.
സൂര്യയെ കണ്ട ഉടൻ തന്നെ ആശ്ചര്യഭാവത്തോടെ കാജല് അടുത്തെത്തുന്നതും സുഖവിവരങ്ങള് അന്വേഷിക്കുന്നതും വീഡിയോയിലുണ്ട്. ദൂരെ മാറി നില്ക്കുന്ന ഭർത്താവിനെ സൂര്യയുടെ അടുത്തെത്തിച്ച് കാജല് പരിചയപ്പെടുത്തുന്നതും വീഡിയോയില് കാണാം. ‘‘സൂര്യാ... ഗൗതം...’’ എന്ന് പറഞ്ഞ് കാജല് പരിചയപ്പെടുത്തുന്നതും ഇരുവരും തമ്മില് സൗഹൃദം പങ്കുവെക്കുന്നതും ദൃശ്യങ്ങളില് കാണാം. എല്ലാവരും ഒത്തു ചേർന്ന് ഫോട്ടോ എടുത്ത ശേഷമാണ് വിമാനത്താവളത്തില് നിന്ന് പിരിയുന്നത്.
ഇരുവരുടേയും ഒത്തുചേരലിന്റെ ദൃശ്യങ്ങള് സോഷ്യല് മീഡിയ ഏറ്റെടുത്തിരിക്കുകയാണ്. നിരവധി പേരാണ് വീഡിയോ പങ്കുവെക്കുന്നതും കമന്റുകള് കുറിക്കുന്നതും. നേരത്തെ സൂര്യയുമൊത്ത് തമിഴ് ചിത്രം മാട്രാനില് കാജല് ഒന്നിച്ചഭിനയിച്ചിരുന്നു.
എട്ടുവർഷത്തെ സൗഹൃദത്തിനു ശേഷം 2020 ഒക്ടോബറിലാണ് കാജല് അഗർവാളും വ്യവസായി ഗൗതം കിച്ച്ലുവും വിവാഹിതരാകുന്നത്. 2022 ഏപ്രിലില് ഇരുവർക്കും ഒരു ആണ്കുട്ടി ജനിച്ചു.
Kajal Aggarwal meets Suriya unexpectedly at Mumbai airport 🤩 Kajal's reaction is priceless 🥳 Wait till she introduced her husband to Suriya ❤️ pic.twitter.com/EZKtxOjtMf
— Viral Bhayani (@viralbhayani77) October 19, 2024
