മഹാരാഷ്ട്ര കര്ണാടക, തെലങ്കാന, ആന്ധ്രപ്രദേശ് തുടങ്ഹിയ പ്രധാന സവാള ഉത്പാദക സംസ്താനങ്ങളിലെ കനത്ത മഴയെ തുടര്ന്ന് ഉള്ളിയുടെ വില ഉയരുന്നു. മഴ കനത്തതിനെ തുടര്ന്ന് ഉള്ലികള് നശിക്കുകയും പാടങ്ങള് വെള്ളത്തിലാവുകയും ചെയ്തതിനാല് വിളെടുപ്പ് 10 മുതല് 15 ദിവസം വരെ വൈകിയിരിക്കുകയാണ്.
രാജ്യത്തെ ചില്ലറ വിപണിയില് ഇപ്പോള് കിലോയ്ക്ക് 60 മുതല് 80 രൂപ വരെയാണ് സവാളയുടെ വില. രാജ്യത്തെ ഏറ്റവും വലിയ ഉള്ളി വിപണിയായ മഹാരാഷ്ട്രയിലെ ലാസല്ഗാവില് ഒരു മാസത്തിലധികമായി കിലോയ്ക്ക് 45-50 രൂപയായിരുന്നു മൊത്തവില. ഉള്ളിക്ക് വിലകയറ്റമുണ്ടാകുമ്പോള് ഒക്ടോബര് നവംബര് മാസങ്ങളില് കൃഷി ചെയ്യാറുള്ള ഖാരിഫ് ഉള്ളിയുടെ വിളവെടുപ്പിനൊപ്പം വില കുറയുമെന്ന് സര്ക്കാര് പ്രതീക്ഷിച്ചിരുന്നപ്പോഴാണ് കനത്ത മഴ പ്രശ്നം സൃഷ്ട്ടിച്ചത്. രണ്ടോ മൂന്നോ ആഴ്ചകൂടി ഇതേ രീതിയില് തന്നെ വില തുടരുമെന്നാണ് വിദഗ്ധര് പറയുന്നത്. ദീപാവലി സീസണായതിനാല് ഉള്ളിയുടെ വിലക്കയറ്റം നിയന്ത്രിക്കാന് കേന്ദ്രസര്ക്കാര് നടപടികള് സ്വീകരിച്ചിട്ടുണ്ട്. ബഫര് സ്റ്റോക്കില് നിന്ന് സവാളയുടെ ചില്ലറ വില്പ്പന ആരംഭിക്കുകയും, ഗതാഗതചിലവ് കുറച്ചുകൊണ്ട് ഉത്തരേന്ത്യയിലേക്ക് ഉള്ളി എത്തിക്കുന്നതിനായി കേന്ദ്ര സര്ക്കാര് ട്രെയിന് സര്വീസും ആരംഭിച്ചിട്ടുണ്ട്.
