വാഷിംഗ്ടണ്: അമേരിക്കന് തെരഞ്ഞെടുപ്പുകളില് ഏറെ നിര്ണ്ണായകമായി കരുതുന്ന സ്വിംഗ് സ്റ്റേറ്റുകളെന്ന അറിയപ്പെടുന്ന ഏഴില് ആറിലും മുന്നേറ്റം തുടര്ന്ന് ഡൊണാള്ഡ് ട്രംപ്. 40 ഇടങ്ങളില് കൂടി മുന്നേറാനായാല് ട്രംപിന്റെ ആധിപത്യം സമ്പൂര്ണ്ണമാകും. ഇതുവരെ ഫലം പുറത്തുവരുമ്പോള് 230 ഇലക്ടറല് വോട്ടുകളാണ് ട്രംപ് നേടിയിരിക്കുന്നത്. കമലാഹാരിസിന് 210 വോട്ടുകളാണ് ലഭിച്ചിട്ടുള്ളത്.
സ്വിംഗ് സ്റ്റേറ്റുകളില് അരിസോണ, മിഷിഗണ്, പെന്സില്വേനിയ, വിസ്കോന്സെന്, ജോര്ജ്ജിയ, നോര്ത്ത് കരോലിന എന്നിവിടങ്ങളില് ട്രംപ് മുന്നേറ്റം തുടരുകയാണ്. നവാഡയുടെ ഫലസൂചനകള് പുറത്തുവരാനുണ്ട്. തുടക്കത്തില് മുന്നേറ്റം കാട്ടിയ മിഷിഗണില് കമലയുടെ ആദ്യ മുന്നേറ്റം കണ്ടെങ്കിലും ശേഷം പിന്നിലേക്ക് പോയി. കഴിഞ്ഞ തവണ കരോലിന മാത്രമാണ് ട്രംപിനൊപ്പം നിന്നതെങ്കില് ഇത്തവണ ആറു സ്റ്റേറ്റുകളും ട്രംപിനെ അനുകൂലിച്ച് രംഗത്ത് വരികയായിരുന്നു. അടുത്തവര്ഷം ആദ്യമാണ് ഫലപ്രഖ്യാപനം നടക്കുക.
538 ഇലക്ട്രല് കോളജ് വോട്ടുകളില് 270 എണ്ണം കിട്ടയാലും ഗുണകരമാകും. അതേസമയം ഹവായ് ഇത്തവണയും ഡെമോക്രാറ്റിക് പാര്ട്ടിയെ തന്നെ തെരഞ്ഞെടുത്തു. വൈസ് പ്രസിഡന്റ് കമലാ ഹാരിസ് ഹവായിയില് വിജയിച്ചതായി എപി റിപ്പോര്ട്ട് ചെയ്യുന്നു. ഇത് തുടര്ച്ചയായ പത്താം തവണയാണ് ഹവായ് ഡെമോക്രാറ്റിക് പാര്ട്ടി സ്ഥാനാര്ത്ഥിയെ തിരഞ്ഞെടുക്കുന്നത്. 40 വര്ഷം മുമ്പ് 1984-ല് റൊണാള്ഡ് റീഗന് സംസ്ഥാനത്ത് നിന്ന് വിജയിച്ചപ്പോഴാണ് ഹവായ് അവസാനമായി ഒരു റിപ്പബ്ലിക്കന് സ്ഥാനാര്ത്ഥിയെ തിരഞ്ഞെടുത്തത്.
