കാബൂള് : താലിബാന് ഭരണകൂടം മെഡിക്കല് സ്ഥാപനങ്ങളില് പഠിക്കുന്നതില് സ്ത്രീകളെ വിലക്കിയതിന് പിന്നാലെ അഫ്ഗാന് വനിതകള്ക്ക് പിന്തുണയുമായി സ്പിന്നര് റാഷിദ് ഖാന് രംഗത്തയെത്തി . കാബൂളിലെ മിഡൈ്വഫറി , നഴ്സിംഗ് പ്രോഗാമുകളിലെ വിദ്യാര്ത്ഥികള്ക്ക് അവരുടെ സ്ഥാപനങ്ങളില് പ്രവേശനം നിക്ഷേധിച്ചതായി റിപ്പോര്ട്ടുകള് പുറത്ത് വന്നിരുന്നു .
‘പെണ്കുട്ടികള്ക്ക് വിദ്യാഭ്യാസം വിലക്കുന്ന ഉത്തരവ് പിന്വലിക്കണം. പുരുഷന്മാര്ക്കെന്ന പോലെ സ്ത്രീകള്ക്കും വിദ്യാഭ്യാസം അവരുടെ അവകാശമാണ്. പുതിയ തീരുമാനങ്ങളില് എനിക്ക് നിരാശ തോന്നുന്നു. ഒരു രാജ്യത്തിന്റെ വികസനത്തിന്റെ അടിത്തറ വിദ്യാഭ്യാസത്തില് നിന്നാണ് തുടങ്ങുന്നത്, റാഷിദ് കുറിച്ചു.
ഇസ്ലാമിക അധ്യാപനങ്ങളില് വിദ്യാഭ്യാസത്തിന് പ്രധാന സ്ഥാനമുണ്ടെന്ന് റാഷിദ് പറഞ്ഞു . സ്ത്രീകള്ക്കും പുരുഷന്മാര്ക്കും അറിവ് നേടുന്നതിന് ഇസ്ലാം ഊന്നല് നല്കുന്നു .പഠനത്തിന്റെ് പ്രധാന്യം ഖുര്ആന് ഉയര്ത്തിക്കാട്ടുന്നു. സ്ത്രീകള്ക്കും പുരുഷനും തുല്യമായ ആത്മീയ മൂല്യം ആംഗീകരിക്കുന്നതാണ് ഇസ്ലാമെന്നും റാഷിദ് വ്യക്തമാക്കി .
🤲🏻🤲🏻🇦🇫🇦🇫 pic.twitter.com/rYtNtNaw14
— Rashid Khan (@rashidkhan_19) December 4, 2024
'അഫ്ഗാനിസ്ഥാനിലെ സഹോദരിമാര്ക്കും അമ്മമാര്ക്കും വേണ്ടിയുള്ള വിദ്യാഭ്യാസ, മെഡിക്കല് സ്ഥാപനങ്ങള് അടച്ചുപൂട്ടിയത് വേദനയോടെ അല്ലാതെ കാണാന് കഴിയുന്നില്ല. വനിത ഡോക്ടര്മാരുടെയും നഴ്സുമാരുടെയും അഭാവം സ്ത്രീകളുടെ ആരോഗ്യത്തെയും അന്തസിനെയും ബാധിക്കും. ഈ തീരുമാനം അവരുടെ ഭാവിയെ മാത്രമല്ല, അഫ്ഗാന് സമൂഹത്തെ മൊത്തത്തില് ബാധിക്കും. വനിതാ ഡോക്ടര്മാരുടെയും നഴ്സുമാരുടെയും ക്ഷാമം ആശങ്കാജനകമാണ്. കാരണം ഇത് സ്ത്രീകളുടെ ആരോഗ്യ സംരക്ഷണത്തെയും അന്തസ്സിനെയും നേരിട്ട് ബാധിക്കുന്നു.
നമ്മുടെ സഹോദരിമാര്ക്കും അമ്മമാര്ക്കും അവരുടെ ആവശ്യങ്ങള് ശരിക്കും മനസ്സിലാക്കുന്ന മെഡിക്കല് പ്രൊഫഷണലുകള് നല്കുന്ന പരിചരണം ലഭ്യമാക്കേണ്ടത് അത്യാവശ്യമാണ്. അഫ്ഗാന് പെണ്കുട്ടികള്ക്ക് വിദ്യാഭ്യാസത്തിനുള്ള അവരുടെ അവകാശം എടുത്തുകളയരുത്. പുതിയ തീരുമാനങ്ങളില് എനിക്ക് നിരാശ തോന്നുന്നു. ഒരു രാജ്യത്തിന്റെ വികസനത്തിന്റെ അടിത്തറ വിദ്യാഭ്യാസത്തില് നിന്നാണ് ആരംഭിക്കുന്നത്.'' റാഷിദ് കുറിച്ചിട്ടു.
