ന്യൂഡല്ഹി; ഇലക്ട്രോണിക്ക് വോട്ടിങ് മെഷീനുകള് പരിശോധിക്കണമെന്ന് ആവശ്യപ്പെട്ടുള്ള ഹര്ജിയില് സുപ്രീം കോടതി അടുത്ത മാസം വാദം കേള്ക്കും. ഹരിയാന മുന് മന്ത്രിയും കോണ്ഗ്രസ് നേതാവുമായ കരണ് സിങ് ദലാള് അടക്കമുള്ളവര് സമര്പ്പിച്ച ഹര്ജിയാണ് പരിഗണിക്കുന്നത്.
ഹര്ജി തള്ളണമെന്ന തെരഞ്ഞെടുപ്പ് കമ്മീഷന്റെ ആവശ്യം നിരാകരിച്ചാണ് അടുത്ത മാസം വാദം കേള്ക്കാന് തീരുമാനിച്ചത്. ജനുവരി 20നു ജസ്റ്റിസ് ദത്ത അധ്യക്ഷനായ ബഞ്ചാണ് ഹര്ജിയില് വാദം കേള്ക്കുക.
ഇവിഎം ഒഴിവാക്കി തെരഞ്ഞെടുപ്പിനു ബാലറ്റ് പേപ്പര് ഉപയോഗിക്കണമെന്നാവശ്യപ്പെട്ടുള്ള ഹര്ജി ചീഫ് ജസ്റ്റിസ് സഞ്ജീവ് ഖന്നയും ജസ്റ്റിസ് ദത്തയും ഉള്പ്പെട്ട ബഞ്ച് നേരത്തെ തള്ളിയിരുന്നു. പ്രതിപക്ഷം ഇവിഎം വിമര്ശനം തുടരുന്നതിനിടെയാണ് കോടതി നടപടി.
