ഭോപ്പാല്; ഭോപ്പാല്: മധ്യപ്രദേശില് 140 അടി താഴ്ചയുള്ള കുഴല്ക്കിണറില് വീണ പത്ത് വയസ്സുകാരനെ രക്ഷപ്പെടുത്തി. 40 അടി താഴ്ചയിലായിരുന്നു കുട്ടി കുടുങ്ങി കിടന്നിരുന്നത്. പതിനാറ് മണിക്കൂര് നീണ്ട രക്ഷാപ്രവര്ത്തനത്തിന് ഒടുവിലാണ് പത്തുവയസുകാരനെ ജീവനോടെ രക്ഷപ്പെടുത്തിയത്. അബോധവസ്ഥയില് ആയ കുട്ടിയെ ആശുപത്രിയില് പ്രവേശിപ്പിച്ചു. മധ്യപ്രദേശിലെ ഗുന ജില്ലയിലെ പിപ്ലിയ ഗ്രാമത്തിലാണ് സംഭവം.
ശനിയാഴ്ചയാണ് പട്ടം പറത്തി കളിക്കുന്നതിനിടെ 10 വയസ്സുകാരന് സുമിത് മീണ തുറന്ന് കിടന്ന കുഴല്ക്കിണറില് വീണത്. ശനിയാഴ്ച വൈകിട്ട് 5 മണിയോടെയാണ് അപകടം സംഭവിച്ചത്. വിവരമറിഞ്ഞ് ദേശീയ ദുരന്ത നിവാരണ സേനയടക്കം സ്ഥലത്തെത്തിയാണ് രക്ഷാപ്രവര്ത്തനം നടത്തിയത്. കുഴല്ക്കിണറിന് സമാന്തരമായി 25 അടിയോളം താഴ്ചയില് മറ്റൊരു കുഴിയെടുത്താണ് കുട്ടിയെ രക്ഷപ്പെടുത്തിയത്. കുട്ടിയെ രക്ഷിക്കുന്നതിനായി വന് സംവിധാനങ്ങളാണ് ഒരുക്കിയിരുന്നത്.
കുട്ടിയുടെ സുരക്ഷക്കായി നിരന്തരം ഓക്സിജന് സപ്പോര്ട്ട് നല്കിയാണ് ജീവന് നില നിര്ത്തിയത്. ജെസിബിയടക്കമുള്ള സംവിധാനങ്ങള് രക്ഷാപ്രവര്ത്തനത്തിനായി സ്ഥലത്ത് എത്തിയിരുന്നുയ ഗുണ കലക്ടര് സത്യേ?ന്ദ്ര സിങ് അടക്കം ജില്ലാ ഭരണകൂടവും പൊലീസും സ്ഥലത്ത് എല്ലാ സുരക്ഷയുമൊരുക്കി. ആശുപത്രിയില് കഴിയുന്ന കുട്ടിയുടെ ആരോഗ്യനിലയില് പുരോഗതിയുണ്ടെന്ന് ഡോക്ടര്മാര് അറിയിച്ചു. സംഭവത്തില് പൊലീസ് കേസെടുത്തിട്ടുണ്ട്.
