യെമന് പൗരനായ യുവാവ് കൊല്ലപ്പെട്ട കേസില് ജയിലില് കഴിയുന്ന മലയാളി നഴ്സ് നിമിഷപ്രിയയുടെ വധശിക്ഷ നടപ്പാക്കും. ഒരു മാസത്തിനകം ശിക്ഷ നടപ്പാക്കാനാണ് യെമന് പ്രസിഡന്റ് അനുമതി നല്കിയത്. കൊല്ലപ്പെട്ട തലാല് അബ്ദുമെഹ്ദിയുടെ കുടുംബവുമായും അദ്ദേഹമുള്പ്പെടുന്ന ഗോത്രത്തിന്റെ തലവന്മാരുമായും മാപ്പപേക്ഷയ്ക്കുള്ള ചര്ച്ചകള് നടത്തിയെങ്കിലും അത് വഴിമുട്ടിയിരുന്നു.
യെമന് പൗരന് തലാല് അബ്ദു മഹ്ദി കൊല്ലപ്പെട്ട കേസിലാണ് പാലക്കാട് കൊല്ലങ്കോട് സ്വദേശിനി നിമിഷപ്രിയയെ വധശിക്ഷയ്ക്ക് വിധിച്ചത്. 2017ലായിരുന്നു കേസിനാസ്പദമായ സംഭവം നടന്നത്. യെമന് പൗരന്റെ കുടുംബത്തെ നേരില് കണ്ട് നിമിഷപ്രിയയുടെ മോചനം സാധ്യമാക്കാന് അമ്മ പ്രേമകുമാരി യെമനില് എത്തിയിരുന്നു. കേസില് വിചാരണാ കോടതിയുടെ വിധി യെമന് സുപ്രീം കോടതി ശരിവച്ചിരുന്നു. ശിക്ഷയില് ഇളവ് നല്കണമെന്ന ആവശ്യം തള്ളുകയും ചെയ്തു. 2012ലാണ് നിമിഷപ്രിയ നഴ്സായി യെമനില് എത്തിയത്.
മോചനത്തിനുള്ള ചര്ച്ചകള്ക്കായി 16.71 ലക്ഷം രൂപ (20,000 ഡോളര്) സേവ് നിമിഷ പ്രിയ ആക്ഷന് കൗണ്സില് കേന്ദ്ര വിദേശകാര്യ മന്ത്രാലയത്തിന്റെ അക്കൗണ്ടില് കഴിഞ്ഞ ജൂണില് നിക്ഷേപിച്ചിരുന്നു.
