കട്ടപ്പന: ഇടുക്കിയില് സഹകരണ സൊസൈറ്റിക്ക് മുന്നില് ജീവനൊടുക്കിയ നിക്ഷേപകന് കട്ടപ്പന മുളപ്പാശ്ശേരിയില് സാബു തോമസിന്റെ മുഴുവന് പണവും കട്ടപ്പന റൂറല് ഡെവലപ്പ്മെന്റ് കോ-ഓപ്പറേറ്റീവ് സൊസൈറ്റി തിരികെ കൊടുത്തു. സാബുവിന്റെ മൊത്തം നിഷേപമായ 14,59,940 രൂപ ബാങ്ക് തിരിച്ചു കൊടുത്തു. ബാങ്ക് പണം നല്കിയില്ലെന്നും തിരികെ ചോദിച്ചപ്പോള് ആക്ഷേപവും പരിഹാസവുമാണെന്നും ആരോപിച്ച് കുറിപ്പെഴുതി വെച്ച ശേഷം സാബു ആത്മഹത്യ ചെയ്തത് ഡിസംബര് 20 നായിരുന്നു. സംഭവം വന് വിവാദമാകുകയും ചെയ്തിരുന്നു.
കട്ടപ്പന റൂറല് ഡെവലപ്മെന്റ് കോ ഓപ്പറേറ്റീവ് സൊസൈറ്റിക്ക് മുന്പില് ആയിരുന്നു തൂങ്ങി മരിച്ച നിലയില് സാബുവിനെ കണ്ടെത്തിയത്. കട്ടപ്പനയില് വ്യാപാര സ്ഥാപനം നടത്തിയിരുന്ന സാബു ഇവിടെയായിരുന്നു പണം നിക്ഷേപിച്ചിരുന്നത്. പണം തിരിച്ച് ആവശ്യപ്പെട്ടപ്പോള് ബാങ്ക് പ്രതിസന്ധിയിലായതിനാല് മാസംതോറും നിശ്ചിത തുക നല്കാമെന്നായിരുന്നു കിട്ടിയ മറുപടി. എന്നാല് പിന്നീട് ഭാര്യ ആശുപത്രിയില് അഡ്മിറ്റായതിന് പിന്നാലെ കൂടുതല് തുക ആവശ്യപ്പെട്ട് ബാങ്കിലെത്തിയെങ്കിലും പണം കിട്ടിയിരുന്നില്ല.
സാബുവിന്റെ പാന്റിന്റെ പോക്കറ്റില് നിന്നാണ് ആത്മഹത്യാക്കുറിപ്പ് കണ്ടെത്തിയത്. മരണത്തിന് ഉത്തരവാദി ബാങ്കാണെന്നും ഭാര്യയുടെ ചികിത്സക്ക് പണം ചോദിച്ചപ്പോള് കിട്ടിയില്ലെന്നും അപമാനിച്ചെന്നും മനംനൊന്താണ് ജീവനൊടുക്കുന്നതെന്നുമാണ് ആത്മഹത്യാക്കുറിപ്പില് പറയുന്നത്.എല്ലാവരും അറിയാന് എന്ന് പറഞ്ഞുകൊണ്ടാണ് ആത്മഹത്യാക്കുറിപ്പ് സാബു എഴുതിയിരിക്കുന്നത്. പ്രതിസന്ധിയില് പ്രവര്ത്തിക്കുന്ന മുമ്പ് കോണ്ഗ്രസ് ഭരിച്ചിരുന്ന ബാങ്ക് രണ്ടു വര്ഷം മുമ്പാണ് സിപിഎം ഭരണസമിതിക്ക് കീഴില് വന്നത്.
