കൊച്ചി : നടി ഹണി റോസിനെ ലൈംഗികമായി അധിക്ഷേപിച്ച കേസില് റിമാന്ഡിലായ വ്യവസായി ബോബി ചെമ്മണ്ണൂരിന് ദേഹാസ്വാസ്ഥ്യം. കോടതി 14 ദിവസത്തേക്ക് റിമാന്ഡ് ചെയ്തതിന് പിന്നാലെയാണ് രക്തസമര്ദ്ദം ഉയര്ന്ന് ദേഹാസ്യാസ്ഥ്യമുണ്ടായത്. ഉത്തരവ് കേട്ട ഉടനെ ബോബി ചെമ്മന്നൂര് പ്രതികൂട്ടില് തളര്ന്നു ഇരുന്നു. തുടര്ന്ന് ബോബിയെ കോടതി മുറിയില് വിശ്രമിക്കാന് അനുവദിച്ചു. ദേഹാസ്വാസ്ഥ്യം അനുഭവപ്പെട്ടതിനാല് ബോബി ചെമ്മണ്ണൂരിനെ ആശുപത്രിയിലേക്ക് കൊണ്ടുപോകും. ജനറല് ആശുപത്രിയിലേക്കാകും കൊണ്ട് പോകുക.
നടി ഹണി റോസിന്റെ ലൈം?ഗികാധിക്ഷേപ പരാതിയെ തുടര്ന്നാണ് വ്യവസായി ബോബി ചെമ്മണ്ണൂര് അറസ്റ്റിലായത്. ഇന്നലെ രാവിലെ വയനാട്ടില് നിന്നും കസ്റ്റഡിയിലെടുത്ത ബോബി ചെമ്മണ്ണൂരിന്റെ അറസ്റ്റ് ഇന്നലെ വൈകിട്ട് എട്ട് മണിയോടെയാണ് കൊച്ചി സെന്ട്രല് പൊലീസ് രേഖപ്പെടുത്തിയത്. വയനാട്ടിലെ റിസോര്ട്ടില് നിന്നാണ് ബോബിയെ കൊച്ചി പൊലീസ് കസ്റ്റഡിയിലെടുത്തത്. ഇന്ന് 12 മണിയോടെ പ്രതിയെ കോടതിയില് ഹാജരാക്കി.
