ന്യൂഡല്ഹി; 76ാം റിപ്പബ്ലിക് ദിന നിറവില് രാജ്യം. രാവിലെ പ്രദാനമന്ത്രി യുദ്ധസ്മാരകത്തില് പുഷ്പചക്രം അര്പ്പിക്കുന്നതോടെ ചടങ്ങുകള്ക്ക് തുടക്കമാകും. ഡല്ഹിയിലെ കര്ത്തവ്യപഥില് ഇന്ത്യയുടെ സംസ്കാരവും സൈനികശേഷിയും ആഘോഷിക്കുന്ന പരേഡ് അരങ്ങേറും.6 കുതിരകളെ കെട്ടിയപ്രത്യേക വാഹനത്തില് എത്തുന്ന രാഷ്ട്രപതിയെ ഉപരാഷ്ട്രപതിയും പ്രധാനമന്ത്രിയും ചേര്ന്ന് സ്വീകരിക്കും.
പത്തരയോടെ പരേഡ് ആരംഭിക്കും. ഭരണഘടനയുടെ പ്ലാറ്റിനം ജൂബിലി ആഘോഷവേളയില് ഇന്തോനേഷ്യന് പ്രസിഡന്റ് പ്രവോബോ സുബിയാന്തോ മുഖ്യാതിഥിയാകും. പരേഡില് ഇന്ഡോനേഷ്യയെ പ്രതിനിധീകരിക്കുന്ന ബാന്റുസംഘവും മാര്ച്ചുചെയ്യും. റിപ്പബ്ലിക് ദിന പരേഡില് പങ്കെടുക്കുന്ന നാലാമത്തെ ഇന്തോനേഷ്യന് പ്രസിഡന്റാണ് സുബിയാന്തോ. വിവിധ സേനാവിഭാഗങ്ങള്ക്കൊപ്പം അയ്യായിരം ആദിവാസികള് അണിനിരക്കുന്ന കലാരൂപങ്ങളും പരേഡില് അണിനിരക്കും. റിപ്പബ്ലിക് ദിനാഘോഷങ്ങളുടെ ഭാഗമായി തലസ്ഥാന നഗരമേഖല കനത്ത സുരക്ഷാ വലയത്തിലാണ്.
