ആരാധകരേറെയുള്ള താരങ്ങളാണ് ജി.പി എന്ന പേരില് അറിയപ്പെടുന്ന ഗോവിന്ദ് പത്മസൂര്യ. അവതാരകയായി പ്രേക്ഷകര്ക്ക് മുന്നിലെത്തിയ താരം പിന്നീട് മലയാള സിനിമയിലും തെലുങ്ക് സിനിമയിലുമൊക്കെ തിളങ്ങിയിട്ടുണ്ട്. ഇന്റസ്ട്രിയില് വന്ന കാലം മുതല് പല നടിമാര്ക്കൊപ്പവും ഗോവിന്ദ് പദ്മസൂര്യയുടെ പേര് ചേര്ത്ത് ഗോസിപ്പുകള് വരുന്നുണ്ടായിരുന്നു. അക്കൂട്ടത്തില് ഒരാളായിരുന്നു അഭിനേത്രിയായ മിയ. എന്നാല് മിയയും ജിപിയും തമ്മിലുള്ള സൗഹൃദം ആഴമുള്ളതാണെന്ന് പ്രേക്ഷകര്ക്കും മനസ്സിലായി.
ഗോസിപ്പുകോളങ്ങളില് നിറഞ്ഞു നില്ക്കുന്ന സമയത്ത് ജിപിയുടെ കല്യാണം എന്നാണ് എന്ന ചോദ്യത്തിനിടയിലാണ് സര്പ്രൈസിങ് ആയി ഗോപികയുമായുള്ള എന്ഗേജ്മെന്റ് ഫോട്ടോ സോഷ്യല് മീഡിയയില് പ്രത്യക്ഷപ്പെട്ടത്. സാന്ത്വനം എന്ന സീരിയലിലെ അഞ്ജലിയായി ഗോപിക മിന്നി നില്ക്കുന്ന സമയത്തായിരുന്നു വിവാഹ നിശ്ചയം. പരസ്യചിത്രത്തിന്റെ ഷൂട്ടാണെന്ന് തെറ്റിദ്ധരിച്ചെങ്കിലും പിന്നീടത് ഒഫീഷ്യലായി രണ്ടുപേരും പങ്കിട്ടു. ഇരുവരുടെയും വിവാഹവും അതിനുശേഷമുള്ള ഓരോ വിശേഷവും ട്രെന്ഡിങ് ആകാറുണ്ട്. പതിവായി യൂട്യൂബ് വീഡിയോകള് പങ്കുവയ്ക്കാറില്ലെങ്കിലും വിശേഷങ്ങളെല്ലാം തരംഗമാകാറുണ്ട്.
ഇപ്പോഴിതാ തന്റെ ഏറ്റവുമടുത്ത സുഹൃത്ത് മിയയ്ക്ക് ജന്മദിനാശംസകള് നേരുകയാണ് ഗോവിന്ദ് പത്മസൂര്യ. സുഹൃത്തിന് ആശംസകള് നേരുന്നതിനൊപ്പം വളരെ ക്യൂട്ടായ ഒരു ചിത്രവും ജിപി പങ്കുവച്ചിട്ടുണ്ട്.
‘‘എന്റെ പ്രിയപ്പെട്ട മധുരമുള്ള സുഹൃത്തിന് ആശംസകള്...മിയയ്ക്ക് സന്തോഷകരമായ ജന്മദിനാശംസകൾ... അച്ചടക്കം ആണ് സാർ ഞങ്ങളുടെ മെയിന്... പ്രിയപ്പെട്ട മിയ ഈ ചിത്രത്തിന് നിനക്ക് പിന്നീട് എന്നോട് നന്ദി പറയാം...’’ എന്ന ക്യാപ്ഷനും നല്കിയാണ് ഗോവിന്ദ് പത്മസൂര്യ ചിത്രം പങ്കിട്ടിരിക്കുന്നത്. ചിത്രത്തില് പൊട്ടിച്ചിരിച്ച് നില്ക്കുന്ന മിയയെ കാണാം. ജിപിയും ഗോപിക അനിലും തമ്മിലുള്ള വിവാഹദിനത്തില് പകര്ത്തിയ ചിത്രമാണ് താരം പങ്കുവച്ചിരിക്കുന്നത്.
