ന്യൂഡല്ഹി: സ്വാതന്ത്ര്യത്തിന്റെ നൂറാം വര്ഷം രാജ്യം സമ്പൂര്ണ വികസനം നേടുമെന്നും ഈ ബജറ്റിന്റെ ലക്ഷ്യം സാമ്പത്തിക പരിഷ്കാരങ്ങള്ക്ക് ശക്തി പകരലാണെന്നും പ്രധാനമന്ത്രി നരേന്ദ്രമോദി. പാര്ലമെന്റിന്റെ ബജറ്റ് സമ്മേളനത്തിന് മുന്നോടിയായി മാധ്യമങ്ങളോട് സംസാരിക്കുകയായിരുന്നു അദ്ദേഹം. തന്റെ മൂന്നാം സര്ക്കാരിലെ മൂന്നാം സമ്പൂര്ണ ബജറ്റാണ് വരുന്നതെന്നും പറഞ്ഞു.
രാജ്യത്തിന് പുതിയ ഊര്ജം നല്കുന്നതാകും ബജറ്റെന്നും ചരിത്രപരമായ ബില്ലുകള് ഈ സമ്മേളനകാലയളവില് അവതരിപ്പിക്കുമെന്നും പറഞ്ഞു. യുവാക്കളുടെ ലക്ഷ്യങ്ങള് പൂര്ത്തീകരിക്കുന്നതില് താന് പ്രതിജ്ഞാബദ്ധനാണ്. സമസ്ത മേഖലകളിലെയും വികസനമാണ് ലക്ഷ്യമിടുന്നതെന്നും പറഞ്ഞു.
സ്ത്രീകള്ക്കും യുവാക്കള്ക്കും ബജറ്റില് പ്രത്യേക പരിഗണന നല്കുമെന്നും സ്ത്രീശാക്തീകരണത്തിന് ഊന്നലുണ്ടാകുമെന്നും പ്രധാനമന്ത്രി പറഞ്ഞു. മഹാലക്ഷ്മി ശ്ലോകം ചൊല്ലി, മഹാലക്ഷ്മിയുടെ അനുഗ്രഹം തേടിയാണ് പ്രധാനമന്ത്രി സംസാരിച്ചുതുടങ്ങിയത്.
