തിരുവനന്തപുരം; കേരളത്തിലെ വ്യവസായ വികസനവുമായി ബന്ധപ്പെട്ട് സംസ്ഥാന സര്ക്കാരിനെ പ്രശംസിച്ചുകൊണ്ടുള്ള ശശി തരൂരിന്റെ ലേഖനം വിവാദമായതിന് പിന്നാലെ പിന്തുണ നല്കി ഇടതുനേതാക്കള്. ശശി തരൂര് എം പിയെ പുകഴ്ത്തികൊണ്ട് എ കെ ബാലന് രംഗത്തെത്തിയപ്പോള് ശശി തരൂര് പറഞ്ഞത് യഥാര്ത്ഥ്യമാണെന്നും അതിലൊരു തെറ്റുമില്ലെന്ന് ധനമന്ത്രി കെ എന് ബാലാഗോപാലും മുതിര്ന്ന സിപിഎം നേതാവ് ഇ പി ജയരാജനും പറഞ്ഞു.
ലോകം അറിയുന്ന ബുദ്ധിജീവിയാണ് തരൂരെന്നും 4 വര്ഷം തുടര്ച്ചയായി ലോകസഭയിലേക്ക് ജയിച്ച വിപ്ലവകാരിയാണെന്നും എ കെ ബാലന് പറഞ്ഞു. മഹാനായ ഡിപ്ലോമാറ്റാണ് തരൂരെന്നും ലേഖനത്തില് പറഞ്ഞ കാര്യങ്ങള് യഥാര്ത്ഥ്യ വസ്തുതയാണെന്നും അദ്ദേഹം പറഞ്ഞു.
യഥാര്ത്ഥ വസ്തുത ആണ് ഡിഡബ്ല്യുസി അംഗമായ തരൂര് പറഞ്ഞത്. വസ്തുതകള് നിരത്തിയാണ് അദ്ദേഹത്തെ വിമര്ശിക്കേണ്ടത്. ലോകത്തെ പ്രമുഖ അവാര്ഡുകള് പിണറായി സര്ക്കാരിന് ലഭിച്ചിട്ടുണ്ട്. നിതി അയോഗിന്റെ റേറ്റിംഗില് നമ്പര് വന് ആണ് കേരളത്തിന് ലഭിച്ചിരിക്കുന്നത്. കേരളം ഇന്ത്യക്ക് അഭിമാനമാണെന്നും അതില് ചെറിയ ഭാഗം മാത്രമാണ് തരൂര് പറഞ്ഞതെന്നും ശശി തരൂരിനെ വിമര്ശിക്കുന്ന പ്രതിപക്ഷത്തിന് ദുഷ്ഠലാക്കാണെന്നും എകെ ബാലന് വിമര്ശിച്ചു.
