കൊച്ചി : കോടികളുടെ ക്രിപ്റ്റോ കറന്സി തട്ടിപ്പ് കേസില് നടിമാരായ തമന്ന ഭാട്ടിയ, കാജല് അഗര്വാള് എന്നിവരെ ചോദ്യം ചെയ്യും. വിരമിച്ച ഒരു സര്ക്കാര് ജീവനക്കാരന് നല്കിയ പരാതിയിലാണ് പൊലീസ് നടപടി. മൊത്തം 60 കോടിയുടെ തട്ടിപ്പ് നടന്നതായാണ് പുതുച്ചേരി പോലീസിന്റെ നിഗമനം. പുതുച്ചേരിയില് നിന്നുള്ള പത്തോളം വ്യക്തികളെ കബളിപ്പിച്ച് ഏകദേശം 2.40 കോടി രൂപ തട്ടിയതായി കാണിച്ച് റിട്ടയേര്ഡ് സര്ക്കാര് ജീവനക്കാരനായ അശോകന് നല്കിയ പരാതി അനുസരിച്ചാണ് പോലീസിന്റെ നടപടി.
2022ല് കമ്പനിയുടെ ഉദ്ഘാടനത്തില് നടി തമന്ന അതിഥി ആയിരുന്നു. പ്രചാരണ പരിപാടികളില് കാജല് അഗര്വാളും പങ്കെടുത്തിരുന്നു. ഉദ്ഘാടനത്തില് പങ്കെടുത്തതിന് പുറമെ കമ്പനിയുമായി നടിമാര്ക്ക് ബന്ധം ഉണ്ടോയെന്നാണ് അന്വേഷിക്കുന്നത്. ഉയര്ന്ന വരുമാനം വാഗ്ദാനം ചെയ്ത് നിക്ഷേപകരെ കബളിപ്പിച്ചെന്നാണ് കേസ്. കേസില് നേരത്തെ രണ്ട് പേര് അറസ്റ്റിലായിരുന്നു. പ്രതികള് കേരളത്തില് അടക്കം തട്ടിപ്പ് നടത്തിയെന്നാണ് നിഗമനം. കോയമ്പത്തൂര് ആസ്ഥാനമാക്കി 2020ലാണ് ക്രിസ്റ്റോ കറന്സി കമ്പനി ആരംഭിച്ചത്.
കമ്പനിയുടെ ഉദ്ഘാടന വേളയില് തമന്ന ഭാട്ടിയ പങ്കെടുത്തിരുന്നു, അതേസമയം മഹാബലിപുരത്തെ ഒരു സ്റ്റാര് ഹോട്ടലില് കാജല് അഗര്വാള് അതിന്റെ പ്രമോഷണല് പരിപാടിയില് പങ്കെടുത്തു. തട്ടിപ്പുമായി ബന്ധപ്പെട്ട രണ്ട് പ്രധാന വ്യക്തികളെ പോലീസ് ഇതിനകം അറസ്റ്റ് ചെയ്തിട്ടുണ്ട്. അന്വേഷണത്തിന്റെ ഭാഗമായി, തമന്നയെയും കാജലിനെയും അവരുടെ പങ്കാളിത്തത്തെക്കുറിച്ചും വഞ്ചനാപരമായ പ്രവര്ത്തനങ്ങളെക്കുറിച്ച് അവര്ക്ക് മുന്കൂട്ടി അറിവുണ്ടായിരുന്നോയെന്നും ചോദ്യം ചെയ്യാനാണ് ഇപ്പോള് അധികൃതര് ഉദ്ദേശിക്കുന്നത്.
