തിരുവനന്തപുരം : വര്ക്കലയില് വിനോദസഞ്ചാരിക്ക് മര്ദനമേറ്റതായി പരാതി . ബീച്ചില് കുളിക്കാന് ഇറങ്ങിയ ഗ്രീക്ക് സ്വദേശിയായ റോബര്ട്ടിനാണ് മര്ദനമേറ്റത് . ബീച്ചില് വാട്ടര് സ്പോര്ട്സ് നടത്തുന്ന ജീവനക്കാരാണ് മര്ദിച്ചത് .
ഇന്ന് രാവിലെയായിരുന്നു സംഭവം. ഇടയ്ക്ക് മാനസികാസ്വാസ്ഥ്യം പ്രകടിപ്പിക്കുന്ന വ്യക്തിയാണ് ഇയാളെന്ന് പോലീസ് അറിയിച്ചു. കടലില് ഇറങ്ങരുതെന്ന് വാട്ടര് സ്പോര്ട്സ് തൊഴിലാളികള് അറിയിച്ചതിനെ തുടന്നുണ്ടായ വാക്കു തര്ക്കമാണ് മര്ദനത്തില് കലാശിച്ചത്. വര്ക്കലയില് കടല്ക്ഷോഭം തുടരുകയാണ്.
