കണ്ണൂര്: എന്തു ത്യാഗം സഹിച്ചും യുഡിഎഫിന് ഒപ്പം നില്ക്കുമെന്ന മുന് എംഎല്എയും ടിഎംസി നേതാവുമായ പിവി അന്വര്. കണ്ണൂര് ബ്രോഡ് ബീന് ഹാളില് മാധ്യമങ്ങളോട് സംസാരിക്കുകയായിരുന്നു അദ്ദേഹം 'പിന്തുണയ്ക്കാന് ഒരു കണ്ടീഷനും തൃണമൂല് കോണ്ഗ്രസിനില്ല. പിണറായിസത്തെ തടയാന് എന്തു ചെയ്യും. നിലമ്പൂര് ഉപതെരഞ്ഞെടുപ്പിന്റെ സമയത്തുണ്ടായ നിലപാടല്ല. സതീശനത്തെക്കാള് കേരളത്തിന് ഭീഷണി പിണറായിസമാണ്. പി.എം ശ്രീ സംസ്ഥാന സര്ക്കാര് ഒപ്പിട്ടത് പിണറായി വിജയന് കുടുംബത്തെ കേസുകളില് നിന്ന് രക്ഷിക്കാനെന്നും പി. വി അന്വര് പറഞ്ഞു.
മുഖ്യമന്ത്രി പിണറായി വിജയന്റെ നിര്ബന്ധത്തിലാണ് പിഎം ശ്രീയില് ഒപ്പിട്ടത്. ദേശീയ വിദ്യാഭ്യാസ നയത്തിന് (എന്ഇപി) എന്താണ് കുഴപ്പമെന്നാണ് വിദ്യാഭ്യാസ മന്ത്രി വി ശിവന്കുട്ടി ചോദിക്കുന്നത്. കുഴപ്പമുണ്ടെന്ന് പറഞ്ഞത് ഇവര് തന്നെയല്ലേയെന്നും അദ്ദേഹം ചോദിച്ചു. 'മുമ്പ് ഞങ്ങള് പറഞ്ഞ ഓരോ കാര്യങ്ങളും ഇപ്പോള് ശരിയായി മാറി.
