ബെംഗളൂരു : വിവാഹം കഴിച്ച് രണ്ടു വര്ഷത്തിനുള്ളില് വേര്പിരിയേണ്ടി വരുമെന്ന ജ്യോതിഷിയുടെ പ്രവചനത്തെ തുടര്ന്ന് ബംഗലുരുവില് യുവതി ആത്മഹത്യ ചെയ്തു. വിവാഹപ്രതിബന്ധം പരിഹരിക്കാന് ഒമ്പത് ദിവസം വ്രതാനുഷ്ഠാനങ്ങളോടെ പൂജ നിര്ദേശിക്കുകയും െചയ്തിരുന്നു. ഈ പൂജയ്ക്കും വ്രതത്തിനും പിന്നാലെ ഒമ്പതാമത്തെ ദിവസമായിരുന്നു യുവതി വീടിനുള്ളില് തൂങ്ങിമരിച്ചത്.
വടക്കുപടിഞ്ഞാറന് ബെംഗളൂരുവിലെ ബാഗലഗുണ്ടെയിലുള്ള തന്റെ വീട്ടിലെ മുറിയില് വെള്ളിയാഴ്ചയായിരുന്നു വിദ്യാജ്യോതി 27 വയസ്സുള്ള ഒരു സോഫ്റ്റ്വെയര് പ്രൊഫഷണല് ആയരുന്നു ജീവനൊടുക്കിയത്. വിവാഹത്തെക്കുറിച്ച് ഒരു ജ്യോതിഷിയുടെ പ്രവചനത്തിന് പിന്നാലെ ഇവരെ അസ്വസ്ഥയായി കാണപ്പെട്ടിരുന്നതായി പോലീസ് വ്യക്തമാക്കുന്നു. വിദ്യാജ്യോതി മറ്റൊരു ജാതിയില്പ്പെട്ട ഒരാളുമായി ബന്ധത്തിലായിരുന്നു. ഇരുവരുടേയും വീട്ടുകാര് ഈ ബന്ധം അംഗീകരിക്കുകയും വിവാഹത്തിന് സമ്മതിക്കുകയും ചെയ്തിരുന്നതായി പോലീസ് പറഞ്ഞു.
ഇതിനിടയിലാണ് ജാതകവുമായി ജ്യോതിഷിയെ പോയി കണ്ടത്. വിവാഹത്തിന് രണ്ട് വര്ഷത്തിന് ശേഷം ദമ്പതികള്ക്കിടയില് തെറ്റിദ്ധാരണകള് ഉണ്ടാകാമെന്നും അത് വേര്പിരിയലിലേക്ക് നയിച്ചേക്കാമെന്നും ജ്യോതിഷി മാതാപിതാക്കളോട് പറഞ്ഞു. ഇത് ഒഴിവാക്കാന്, കുടുംബം ഏറ്റെടുത്ത ഒമ്പത് ദിവസത്തെ ആചാരം നടത്താനും ജ്യോതിഷി ഉപദേശിച്ചു.
എന്നിരുന്നാലും, ആചാരത്തിന്റെ ഒമ്പതാം ദിവസം, വിദ്യാജ്യോതി തന്റെ മുറിയില് പോയി മാതാപിതാക്കള് വീട്ടിലില്ലാത്തപ്പോള് സീലിംഗ് ഫാനില് തൂങ്ങിമരിച്ചതായി അദ്ദേഹം കൂട്ടിച്ചേര്ത്തു. വൈകുന്നേരം വാതിലില് ആവര്ത്തിച്ച് മുട്ടിയിട്ടും അവള് പ്രതികരിക്കാത്തപ്പോഴാണ് സംഭവം പുറത്തുവന്നത്. പിന്നീട് അവളുടെ അച്ഛന് വാതില് തുറന്നപ്പോള് അവള് തൂങ്ങിമരിച്ച നിലയില് കണ്ടെത്തിയത്.
(ആത്മഹത്യ ഒന്നിനും പരിഹാരമല്ല. കടുത്ത മാനസീകാഘാതം ഉണ്ടാകുമ്പോള് മാനസീകവിദഗ്ദ്ധരെ സമീപിക്കുക)
