കൊച്ചി: ശസ്ത്രക്രിയക്ക് ശേഷം ചികിത്സയിലിരിക്കുന്ന യുവതിക്ക് വരന് ആശുപത്രിയില് താലിചാര്ത്തി. ഗ്യാസ്ട്രോ സംബന്ധമായ ശസ്ത്രക്രിയ കഴിഞ്ഞ് ചികിത്സയിലിരുന്ന ഓച്ചിറ സൗത്ത് കൊച്ചുമുറി എടയത്ത് പ്രഹ്ലാദന്റെയും രമാദേവിയുടെയും മകള് ദിയ ജി.പ്രഹ്ലാദിന് (26) കായംകുളം ഗോവിന്ദമുട്ടം പുത്തന്കണ്ടത്തില് പരേതനായ ഡി. ജയന്, അനിത ദമ്പതികളുടെ മകന് ജിതിന് ജയനാണ് താലിചാര്ത്തിയത്.
വി.പി.എസ്. ലേക്ക് ഷോര് ആശുപത്രിയിലെ ക്ഷേത്രത്തില് ഇന്നലെ രാവിലെ 10.30നും 11നും ഇടയിലുള്ള മുഹൂര്ത്തത്തിലായിരുന്നു വിവാഹം. ഇരുവരുടെയും വിവാഹം മാസങ്ങള്ക്ക് മുമ്പേ നിശ്ചയിച്ചതായിരുന്നു. ഏതാനും ദിവസങ്ങള്ക്ക് മുമ്പാണ് വയറുവേദന അനുഭവപ്പെട്ട് ദിയ ചികിത്സ തേടിയത്. തുടര്ന്ന് അടിയന്തര ശസ്ത്രക്രിയ ആവശ്യമായി വന്നു. ഇതിനോടകം വിവാഹത്തിനുള്ള ഒരുക്കങ്ങള് ബന്ധുക്കള് പൂര്ത്തീകരിച്ചിരുന്നു.
അതിനാല് നിശ്ചയിച്ച ദിവസം തന്നെ വിവാഹം നടത്താന് കുടുംബം തീരുമാനിച്ചു. യാത്രയ്ക്ക് ദിയയുടെ നിലവിലെ ആരോഗ്യസ്ഥിതി അനുവദിക്കാത്ത സാഹചര്യത്തില് ആശുപത്രിയില് തന്നെ വിവാഹം നടത്തുകയായിരുന്നു. ആശുപത്രി എം.ഡി: എസ്.കെ. അബ്ദുള്ള, സി.ഇ.ഒ: ജയേഷ് വി.നായര്, ഗ്രൂപ്പ് സി.ഒ.ഒ: ലക്ഷ്മണ് സേതുരാമന് എന്നിവരും സന്നിഹിതരായിരുന്നു. അതേസമയം, കായംകുളം ദേവികുളങ്ങര ഓഡിറ്റോറിയത്തില് മറ്റ് ബന്ധുക്കളും നാട്ടുകാരും സുഹൃത്തുക്കളും ചേര്ന്ന് വിവാഹ സല്ക്കാര പരിപാടികളും നടത്തി.
സൗദി അറേബ്യയില് ഹെല്ത്ത് ആന്ഡ് സേഫ്റ്റി ഓഫീസറാണ് ജിതിന്. എം.എ ഇംീഷ് കഴിഞ്ഞ് തുടര്പഠനത്തിനായി തയാറെടുക്കുകയാണ് ദിയ. വിവാഹ ദിനത്തില് അപകടത്തില്പെട്ട ആലപ്പുഴ സ്വദേശി ആവണിയെ വരന് ഷാരോണ് ലേക്ഷോറിലെ അത്യാഹിത വിഭാഗത്തില് താലിചാര്ത്തിയത് കഴിഞ്ഞ നവംബറിലായിരുന്നു.
