കൊച്ചി: കേരളത്തിലെ പതിനേഴാം നിയമസഭാ തെരഞ്ഞെടുപ്പിനുള്ള വോട്ടെടുപ്പ് ആരംഭിച്ചു. ഉടനീളം രാവിലെ 7 മണി മുതല് ബൂത്തുകളില് ആളുകള് വോട്ടുരേഖപ്പെടുത്താനെത്തി. 140 മണ്ഡലങ്ങളിലായി 882 സ്ഥാനാര്ത്ഥികളാണ് ജനവിധി തേടുന്നത്. തെരഞ്ഞെടുപ്പ് കമ്മീഷന് പ്രസിദ്ധീകരിച്ച അവസാന വോട്ടര് പട്ടിക പ്രകാരം കേരളത്തിലെ ആകെ വോട്ടര്മാരുടെ എണ്ണം 2,71,42,952 ആണ്. ഇതില് 1,32,20,811 പേര് പുരുഷന്മാരും 1,39,21,868 പേര് സ്ത്രീകളുമാണ്. 273 പേര് ഭിന്നലിംഗക്കാരുമാണ്.
രാവിലെ തന്നെ അനേകം പ്രമുഖര് വോട്ടുചെയ്യാനെത്തി. പിണറായി വിജയന് കുടുംബത്തോടൊപ്പം പിണറായിയിലാണ് വോട്ടു രേഖപ്പെടുത്തുന്നത്. പാട്യാലയിലെ വീട്ടില് നിന്നും നടന്നായിരുന്നു മുഖ്യമന്ത്രി വോട്ടുരേഖപ്പെടുത്താനെത്തിയത്. ആര്.സി. അമല യുപി സ്കൂളിലാണ് മുഖ്യമന്ത്രിയുടെ വോട്ട്. ഭാര്യ മകള് പാര്ട്ടിപ്രവര്ത്തകര് എന്നിവര്ക്കൊപ്പം നടന്നായിരുന്നു പിണറായി വോട്ടുരേഖപ്പെടുത്താനെത്തിയത്. 194ാം നമ്പര് ബൂത്തിലാണ് മുഖ്യമന്ത്രിയുടെ വോട്ട്. പറവൂരിലെ ബൂത്തിലാണ് പ്രതിപക്ഷ നേതാവ് വി ഡി സതീശന് വോട്ട് ചെയ്തത്. പോളിങ് തുടങ്ങിയ ആദ്യ സമയങ്ങളില് തന്നെ പ്രമുഖ നേതാക്കളെല്ലാം വോട്ട് ചെയ്യാനെത്തുന്ന കാഴ്ചയാണ് കേരളത്തില് കാണാനാകുന്നത്.
നടന് പൃഥ്വിരാജും ഭാര്യയും നിര്മാതാവുമായ സുപ്രിയ മേനോനും വോട്ട് രേഖപ്പെടുത്തി. മോഹന്ലാല് ജന്മനാടായ തിരുവനന്തപുരത്തെ 36ാം ബൂത്തിലെത്തി വോട്ട് രേഖപ്പെടുത്തി. കേന്ദ്രമന്ത്രി സുരേഷ് ഗോപി ഗുരുവായൂര് ദേവസ്വം ഇംഗ്ലീഷ് മീഡിയം സ്കൂളിലെ 137 നമ്പര് ബൂത്തില് വോട്ട് രേഖപ്പെടുത്തി. നേമത്തെ എല്ഡിഎഫ് സ്ഥാനാര്ത്ഥി വി ശിവന്കുട്ടിയോടും യുഡിഎഫ് സ്ഥാനാര്ത്ഥി കെ ശബരീനാഥനോടും ക്യൂവില് നിന്നുകൊണ്ടാണ് മോഹന്ലാല് വോട്ടുരേഖപ്പെടുത്തിയത്. നാട്ടിക എല്ഡിഎഫ് സ്ഥാനാര്ത്ഥി ഗീതാ ഗോപി ഗുരുവായൂര് ദേവസ്വം ഇംഗ്ലീഷ് മീഡിയം സ്കൂളില് 139 ആം നമ്പര് ബൂത്തില് വോട്ട് രേഖപ്പെടുത്താന് എത്തി. സിപിഐഎമ്മില് നിന്നും പടിയിറങ്ങി അമ്പലപ്പുഴയില് യുഡിഎഫ് സ്വതന്ത്ര സ്ഥാനാര്ത്ഥിയായി മത്സരിക്കുന്ന ജി സുധാകരന് വോട്ട് രേഖപ്പെടുത്തി.
