തിരുവനന്തപുരം: നിയമസഭയിലേക്കുള്ള വോട്ടെടുപ്പ് പുരോഗമിക്കുമ്പോള് ആദ്യ രണ്ടു മണിക്കൂറിലെ പോളിംഗ് 16 ശതമാനത്തിലെത്തി. ഏറ്റവും കൂടുതല് പോളിംഗ് നടക്കുന്നത് മലബാറിലാണ്. കോഴിക്കോട് 16 ശതമാനം പോളിംഗ് രേഖപ്പെടുത്തി. തിരുവനന്തപുരത്ത് 14. 8 ശതമാനമാണ് രേഖപ്പെടുത്തിയിരിക്കുന്നത്. രാവിലെ മുതല് കേരളത്തില് ഉടനീളമുള്ള ബൂത്തുകളില് നീണ്ട ക്യൂ ആണ്.
കൊല്ലത്ത് 15.1 ശതമാനവും പത്തനംതിട്ടയില് 14.3 ശതമാനം എന്നിങ്ങനെയാണ് തെക്കന് കേരളത്തിലെ പോളിംഗ് ശതമാനം. ആലപ്പുഴയില് 15.7 ശതമാനം കോട്ടയത്ത് 15.6 ശതമാനം, എറണാകുളം 14.7 ശതമാനവും രേഖപ്പെടുത്തി. തൃശൂര് 14.8, പാലക്കാട് 15.6 എന്നിങ്ങനെയാണ് മദ്ധ്യകേരളത്തില് രണ്ടു മണിക്കൂര് കൊണ്ട് നടന്ന പോളിംഗ്. മലപ്പുറം 15.1, കോഴിക്കോട് 16.3, വയനാട് 15.2 ശതമാനവും കണ്ണൂര് 14.3 ശതമാനവും കാസര്ഗോഡ് 14.1 ശതമാനവുമാണ് പോളിംഗ് രേഖപ്പെടുത്തിയിരിക്കുന്നത്.
മൂന്നാം തവണയും ഭരണം നേടാനായി എല്ഡിഎഫും അധികാരത്തില് എത്താന് യുഡിഎഫും കിണഞ്ഞ് പരിശ്രമിക്കുന്ന തെരഞ്ഞെടുപ്പാണിത്. നിര്ണായക ശക്തിയാകാന് കച്ചകെട്ടി എന്ഡിഎയെയും രംഗത്തുണ്ട്. ആദ്യ മണിക്കൂറില് തന്നെ മിക്കയിടത്തെയും സ്ഥാനാര്ത്ഥികള് വോട്ടു രേഖപ്പെടുത്തിയിട്ടുണ്ട്. മുഖ്യമന്ത്രിയും പ്രതിപക്ഷ നേതാവും ബിജെപി അദ്ധ്യക്ഷനും രാവിലെ വോട്ടുചെയ്തു.
