തിരുവനന്തപുരം: ബിഡിഎസ് വിദ്യാര്ത്ഥി നിതിന് രാജ് ജീവനൊടുക്കിയ സംഭവത്തില് ലോണ് ആപ്പ് ഭീഷണി ആരോപണം വീണ്ടും ഉന്നയിച്ച് കോളേജ് പ്രിന്സിപ്പല്. ഫോണില് നിരന്തരം കോളുകള് വന്നിരുന്നെന്നും പറഞ്ഞു. 2009 മുതല് ഈ കോളേജില് റാം പഠിപ്പിക്കുന്നുണ്ടെന്നും അദ്ദേഹത്തിനെതിരേ ഒരു പരാതിയും ഇതുവരെ വന്നിട്ടില്ലെന്നും കോളേജ് പ്രിന്സിപ്പല് മാധ്യമങ്ങളോട് പറഞ്ഞു.
അതേസമയം ലോണ് ആപ്പിന്റെ പേരില് നിതിന് ആത്മഹത്യ ചെയ്യില്ലെന്നും എല്ലാവരും കൂടി നിതിനെ കൊന്നതാണെന്നും നിതിന്റെ കുടുംബം. കോളേജിനെതിരെ ആരോപണം ആവര്ത്തിച്ചു. ഒരിക്കലും ആപ്പ് ലോണിന്റെ പേര് പറഞ്ഞു ഇത് ചുരുക്കാന് സമ്മതിക്കില്ല. മരണകാരണം ലോണ് ആപ്പ് എന്ന് വരുത്തി തീര്ക്കുകയാണ്. എവിടെ വരെ പോകാന് പറ്റുമോ അവിടെ വരെ പോകുമെന്നും സഹോദരി വ്യക്തമാക്കി.
നിതിന് നീതി ലഭിച്ചില്ലെങ്കില് ഞങ്ങളും ഈ ലോകത്ത് ഉണ്ടാകില്ലയെന്നും നിഖിത പറഞ്ഞു. പഠിക്കുന്ന കുട്ടിയ്ക്ക് ആപ്പ് ലോണില് നിന്ന് ലക്ഷങ്ങള് കിട്ടില്ല. അങ്ങനെ കിട്ടണമെങ്കില് സാലറി സര്ട്ടിഫിക്കറ്റ് നല്കണമെന്നും സഹോദരി പറഞ്ഞു. ഡെന്റല് അനാട്ടമി ഡിപ്പാര്ട്മെന്റിലെ അധ്യാപകര് കുട്ടികളെ മാനസികമായി പീഡിപ്പിക്കുന്നവര് ആണെന്നും എന്നും രാത്രി അവനോട് സംസാരിക്കുമായിരുന്നുവെന്നും എന്നാല് സ്റ്റാഫ് റൂമില് നിന്ന് ഇറങ്ങിയതിന് ശേഷം അവന് ഒന്നും പറഞ്ഞില്ലയെന്നും സഹോദരി പറഞ്ഞു.
അതേസമയം നിതിന് രാജ് ജീവനൊടുക്കിയതിന് പിന്നാലെ കുറ്റാരോപിതനായ വകുപ്പ് മേധാവി ഡോ. എം കെ റാമിനെതിരെ കൂടുതല് ഗുരുതരമായ വെളിപ്പെടുത്തലുകളുമായി വിദ്യാര്ത്ഥികള് രംഗത്തെത്തിയിരുന്നു. നിതിന്റെ അമ്മയെ വരെ അധിക്ഷേപിച്ചു. തീരെ സഹികെട്ടപ്പോഴാണ് അവന് എന്തോ പറഞ്ഞിട്ട് ഇറങ്ങിപ്പോയതെന്നും സഹപാഠികള് മാധ്യമങ്ങളോട് പ്രതികരിച്ചു.
